"Qəbələ" çempionata yaxşı başlamaq istəyir"

"Qəbələ" çempionata yaxşı başlamaq istəyir"
ÖLKƏ FUTBOLU 19 İyul 2014 / 22:30 2490
-  A +

"Hazırlıqlar plana uyğun olaraq davam edir. Komanda səylə, əzmlə çalışır. Futbolçuların çalışqanlığından razıyam. Bu gün futbolçular laktat testdən keçirildi. İki gün ərzində bu testin cavablarını alacağıq. Bundan sonra komandanın fiziki durumunun hansı səviyyədə olduğu tam aydın olacaq. Hazırda komandanın komplektləşməsi üzərində çalışırıq. Heyətdə yeni oyunçular var. Başqa yeni futbolçu və ya futbolçuların da yaxın zamanda komandaya qoşulması gözlənilir. Məqsədim komandanı çempionat başlayanadək maksimum yaxşı duruma gətirməkdir".

Qol.Az-ın məlumatına görə, bu sözləri "Qəbələ"nin baş məşqçisi Dorinel Muntyanu Hollandiyadakı təlim-məşq toplanışı haqda klubun rəsmi saytına deyib.

Rumıniyalı mütəxəssis Azərbaycan Premyer Liqasının ilk turunda qarşılaşacağı "İnter" barədə fikirlərini də bildirib:

"Rəqibimiz qısa müddətdir ki, müəyyənləşib. Yəni püşkatmanın üzərindən bir gün keçib. "İnter" güclü komandadır.  Məşqçi heyəti ilə "İnter"i ətraflı şəkildə analiz edəcəyik. Onların güclü və zəif tərəflərini araşdıracağıq. Çempionata yaxşı, uğurlu nəticə ilə başlamaq istəyirik. İşlərimizi də bu istiqamətdə qururuq".

Daha çox


Son xəbərlər
15.12.25  10:51

Zubirin yubiley oyunu