Nizami Hacıyev: “Mərhələni keçəcəyimizə ümid azdır”

Nizami Hacıyev: “Mərhələni keçəcəyimizə ümid azdır”
ÖLKƏ FUTBOLU 4 İyul 2014 / 18:07 2620
-  A +

"Oyundan əvvəl baş məşqçimiz bildirmişdi ki, hər şeyə görə o cavabdehdir. Biz də əlimizdən gələni etdik ki, onun üzünü ağ edək. Yəqin ki, yaxşı hazırlaşmadığımız üçün nəticə bu cür oldu”.

Qol.Az saytına açıqlamasında bu sözləri “Qəbələ” nin futbolçusu Nizami Hacıyev Avroliqanın I təsnifat mərhələsində “Şiroki Brieyq” komandasına uduzduqları oyundan (0:2) sonra deyib.
 
Cavab oyunu haqda da danışan yarımmüdafiəçi mərhələni adlamaq şanslarının az olduğunu bildirib: “Cavab oyununa ümidimiz  azdır. Çünki öz meydanımızda arzuolunmaz hesabla uduzmuşuq.  Mən “İnter”də çıxış edəndə Bakıda Polşa “Lex”inə 0:1 hesabı ilə uduzsaq da, səfərdə eyni hesablı qələbəni biz qazanmışdıq.  Təbii ki, 1:0-la 2:0 arasında böyük fərq var. Ancaq əlimizdən gələni edəcəyik, meydanda canımızı qoyacağıq ki, sərfəli nəticə qazanaq”.

N.Hacıyev rəqibin “Qəbələ”dən güclü olmadığını əlavə edib: “Şiroki Brieyq” elə də güclü komanda deyil. Ancaq hücum xətti bizdən yaxşı oynadı. Hücumda daha soyuqqanlı olmalı idik. Məncə, ön xəttə olan bütün futbolçularımız çox zəif oynadı. Özünüz də gördünüz ki, rəqib səviyyəli komanda deyil”. 

Daha çox


Son xəbərlər
15.12.25  10:51

Zubirin yubiley oyunu