Ruslan Abışov: “Şiroki Briyeq” güclü komanda deyil”

Ruslan Abışov: “Şiroki Briyeq” güclü komanda deyil”
ÖLKƏ FUTBOLU 4 İyul 2014 / 12:54 3408
-  A +

“Qəbələ”in yeni transferi Ruslan Abışov Avropa Liqasının birinci təsnifat mərhələsində Bosniya və Hersoqovinanın “Şiroki Briyeq”  klubuna uduzduqları oyun (0:2) haqda fikirlərini bildirib.

Qol.Az saytına açıqlamasında o, məğlubiyyətin səbələrindən və cavab oyunu haqda danışıb:

“Doğma meydanda oynadığımız üçün yalnız qələbəyə köklənmişdik. Ancaq müəyyən səbəblərdən istədiyimiz oyunu sərgiləyə bilmədik. Komandamız gec toplandı. Futbolçular bir yerdə az məşq edib. Bunlar da oyunumuza təsirsiz ötüşmədi. Ancaq dünya futbolunda dəfələrlə müşahidə etmişik ki, istənilən hesablı nəticəni öz xeyrinə dəyişə bilərsən. Hər halda ruhdan düşmürük. Səfər oyununa gəzməyə getməyəcəyik”.

Milli komandamızın üzvü öz çıxışından da razı qalmadığını bildirib: “Son altı ayda ilk dəfə doxsan dəqiqə meydanda oldum. Oyun təcrübəsizliyindən əziyyət çəkirəm. Hiss edirdim ki, fiziki cəhətdən  hazır deyiləm. Ancaq bacardığım qədər komandama kömək etməyə çalışırdım. Zaman keçdikcə əvvəlki formamı bərpa edəcəm”.

R.Abışov rəqibin daha yaxşı oynamasını etiraf edib: “Bəli, onlar bizi ikinci hissədə üstələdi. Son 20 dəqiqədə hiss olundu ki, “Şiroki Brieyq” fiziki cəhətdən bizdən güclüdür. Ancaq rəqib güclü komanda deyil. Sadəcə ehtiyat qüvvəmizin olmaması bizi çətin vəziyyətə saldı. Demək olar ki, ilk “on birlik”lə oynayırdıq”.

Daha çox


Son xəbərlər
15.12.25  10:51

Zubirin yubiley oyunu