Mustafa Dənizli: "Bu, futbolçulara mikrob kimi bulaşıb"

Mustafa Dənizli: "Bu, futbolçulara mikrob kimi bulaşıb"
GÜNDƏM 7 Aprel 2014 / 12:28 3256
-  A +

"Xəzər Lənkəran"ın baş məşqçisi Mustafa Dənizli Türkiyə superliqasında dünən baş tutan "Qalatasaray" - "Fənərbaxça" matçını (1:0) şərh edib.

Qol.Az-ın Türkiyə mətbuatına istinadən verdiyi məlumata görə, təcrübəli mütəxəssis qarşılaşma zamanı gərginliyin oyunun nəticəsinə də təsir etdiyini deyib:

"Matç başlamadan öncə gərginliyin psixoloji səbəblərdən olacağını zənn edirdim. Amma oyunu izləyən vaxt gördüm ki, bu gərginlik mikrob kimi bütün futbolçulara bulaşıb. Derbi tarixində hər iki komandanın oyunçularının bu qədər nəzarətsiz oynadığı matçlar az olub. "Fənərbaxça" ilə "Qalatasaray" arasında xal fərqi çox olduğu üçün bu, çempionluq oyunu deyildi. Əgər elə olsaydı, qarşılaşma daha da gərgin keçərdi".

M.Dənizli bildirib ki, "Fənərbaxça" azlıqda qalmasına baxmayaraq, "Cim-Bom" bu üstünlükdən  istifadə etməyi bacarmayıb:

"Əmrə Bəlözoğlu qırmızı vərəqə ilə cəzalandırılaraq "Fənər"i azlıqda qoysa da, matçda heç nə dəyişmədi. Bunun iki səbəbi var. Birincisi, "Qalatasaray" yenə də iki hücumçu ilə oynamağa davam etdi.  İkincisi, bu qırmızı vərəqə "Fənərbaxça"nın sanki lehinə oldu. Fiziki cəhətdən daha güclü olan meydan sahiblərinin oyunçuları -Topal və Meyreleş Melo və Səlçukdan daha yaxşı oyun nümayiş etdirdi. Emenike isə üç futbolçuya qarşı çıxış etdi".

Türkiyəli çalışdırıcı "Qalatasaray"ın baş məşqçisi Roberto Mançiniyə məsləhət də verib: "Qalatasaray" Aleks Tellesi daha irəlidə oynatmalıdır. O, ən yaxşı pressinq edən, ötürmələr verən oyunçulardan biridir. Bunu mütləq dəyərləndirməldirlər".

Daha çox


Son xəbərlər