"Qəbələ" AZAL-la 21-ci duelinə çıxacaq

Topaz Premyer Liqanın XXII turunu səfərdə keçirəcək “Qəbələ” ardıcıl iki ev oyunundan sonra AZAL-ın qonağı olacaq.

Qol.Az-ın klubun rəsmi saytına istinadən verdiyi məlumata görə, cari mövsümün ilk iki dövrəsində rəqibinə xal verməyən Yuri Syominin yetirmələri ardıcıl 3-cü qələbə üçün Bakıda meydana çıxacaq.

“Qara-qırmızılar” üçün bu görüş “təyyarəçilər”ə qarşı 21-ci oyun olacaq. Belə ki, “Qəbələ” ilə AZAL 16 dəfə Premyer Liqada, 4 dəfə kubokda görüşüblər. Bakılılar əvvəlki qarşılaşmalarda üstünlüyə malikdir. Paytaxt təmsilçisinin hesabında 8 qələbə var. 6 dəfə meydanı qalib kimi tərk edən "Qəbələ" klubu tarazlıq yaratmaq üçün mövsümün son iki dövrəsində də rəqibinə xal verməməlidir. Digər 6 oyunda bərabərlik qeydə alınıb. Top fərqində də üstünlük paytaxt futbolçularının tərəfindədir – 28:16.

11-ci dəfə AZAL-ın qonağı olacaq “Qəbələ” səfərdə 3 qələbə qazanıb. Bundan başqa, bir dəfə də 1 xalla rəqib meydanından ayrılan "qırmızı-qaralar" 6 dəfə uduzub. Bakılıların meydanında 9 qol vuran qonaqlar 20 top buraxıb.

AZAL-la oyunlarda “Qəbələ”nin heyətində ən çox fərqlənən Kənan Kərimovdur. Onun hesabında 3 qol var. Kristian Torreslə Fərxad Hatəmi isə 2 qolun müəllifidir. Baş tutan matçlardakı yeganə avtoqol AZAL-da oynamış Alves dos Santosun hesabındadır.

2006/07. Premyer Liqa
04.11.2006. Gilan (Qəbələ) - Olimpik (Bakı) - 0:3
Xaqani Məmmədov, 32, Yovan Drobnyak, 41, Vidadi Rzayev, 80

2006/07. Premyer Liqa
03.05.2007. Olimpik (Bakı) - Gilan (Qəbələ) - 3:1
Xaqani Məmmədov, 25, Pathe Banqura,  27, Namiq Əliyev, 62 – Vitali Balamestnı, 33

2007/08. Premyer Liqa
02.09.2007. Qəbələ - Olimpik (Bakı) - 0:1
Fərrux İsmayilov, 38

2007/08. Premyer Liqa
15.03.2008. Olimpik (Bakı) - Qəbələ - 2:0
Junivan Suares, 22, Fabio Luis Ramim, 80

2008/09. Premyer Liqa
18.10.2008. Olimpik (Bakı) - Qəbələ - 1:0
Revaz Qetsadze, 4

2008/09. Azərbaycan kuboku, ¼ final
25.02.2009. Qəbələ - Olimpik (Bakı) - 1:1
Kənan Kərimov, 67-p. - Bəşir Müqədi, 35-p.

2008/09. Azərbaycan kuboku, ¼ final
11.03.2009. Olimpik (Bakı) - Qəbələ - 0:1
Fərzad Hatəmi, 66

2008/09. Premyer Liqa
12.04.2009. Qəbələ - Olimpik (Bakı) - 1:1
Fərzad Hatəmi, 49 - Leandro Qomeş, 86

2009/10. Premyer Liqa
17.10.2009. Qəbələ - Olimpik-Şüvəlan (Bakı) - 2:1
Kənan Kərimov, 60; Alves dos Santos, 68 (avtoqol) - Anatoli Doroş, 55

2009/10. Azərbaycan kuboku, 1/8 final
04.11.2009. Olimpik-Şüvəlan (Bakı) - Qəbələ - 2:0
Anatoli Doroş, 73; 74

2009/10. Azərbaycan kuboku, 1/8 final
11.11.2009. Qəbələ - Olimpik-Şüvəlan (Bakı) - 1:0
Kənan Kərimov, 90-p. 

2009/10. Premyer Liqa
02.02.2010. Olimpik-Şüvəlan (Bakı) - Qəbələ - 0:2
Kristian Torres, 11; 43

2010/11. Premyer Liqa
23.10.2010. Qəbələ - AZAL (Bakı) - 0:0

2010/11. Premyer Liqa
19.12.2010. AZAL (Bakı) - Qəbələ - 2:2
Qvidas Yuska, 45+5; Robert Petrov, 90 - Arif İsayev, 3; Milan Antiç, 19

2011/12. Premyer Liqa
19.08.2011. Qəbələ - AZAL (Bakı) - 1:1
Deon Barton, 50 - Viktor İqbekoyi, 43

2011/12. Premyer Liqa
05.11.2011. AZAL (Bakı) - Qəbələ - 3:0
Tales Şütz, 49; 68; Tərlan Xəlilov, 90+1

2012/13. Premyer Liqa 
29.09.2012. Qəbələ - AZAL (Bakı) - 0:0

2012/13. Premyer Liqa
03.03.2013. AZAL (Bakı) - Qəbələ - 6:1
Viktor İqbekoyi, 17; Cavid Tağıyev, 47; 60; Branislav Arsenyeviç, 71; Zohair Benouahi, 77, Con Olufemi, 90+3 - Mustafa Dabo, 12

2013/14. Premyer Liqa
15.09.2013. AZAL (Bakı) - Qəbələ - 1:2
Con Oluremi, 3 - Viktor Mendi, 6, Daniyel Subotiç, 30

2013/14. Premyer Liqa
22.11.2014. Qəbələ – AZAL - 1:0
Leonardo da Silva, 72