18.04.20
“Avro-2012”nin Almaniyaya qarşı keçirilmiş yarımfinal oyunun qəhrəmanı olan İtaliya millisinin hücumçusu Mario Balotelli vurduğu iki qolu anasına həsr etdiyini deyib.
Qol.Az-ın məlumatına görə, oyundan sonra jurnalistlərə açıqlama verən futbolçu bildirib: “Almaniyayla oyunda əvəzləndikdən sonra tribunada oturan anama yaxınlaşaraq dedim: “Bu qolları sənə həsr edirəm”. Mənim anam artıq cavan deyil. Ona bu yarışa gəlib mənim matçımı izləmək asan deyildi. Amma o bunu etdi. Mən onu sevindirmək üçün bu məqamı çoxdan gözləyirdim. Atam isə Kiyevdəki final oyununa gələcək”.
Balotelli daha sonra əlavə edib: “Doğmalarımın, yaxınlarımın və dostlarımın bu oyuna gəlməsi mənə əlavə güc verdi. Çalışacağam ki, “Avro-2012”nin ən yaxşı bombardiri olum. Futbolda məqsədə doğru bəzən addımbaaddım irəliləyirsən, amma bəzən buna nail olmursan. Bəzən isə istədiyini elə ilk anda əldə edirsən. Mən öz qollarımı gözəl ötürmələrdən sonra vurdum. Kassanonun ötürməsi sadəcə fantastika idi, Montolivonun ötürməsi də həmçinin”.
Balotelli hər iki qolu vurmasını qeyd edəcəyini söyləyib: “Çünki bu qollar çox vacib idi və bizə kömək etdi”.
Balotelli ikinci hissədə yüngül zədə aldığını da vurğulayıb: “Amma bu zaman məşqçiyə dedim ki, hələ daha beş dəqiqə oynamağa hazıram. Bu müddətdə isə o, yeni əvəzetmə hazırladı”.
Balotelli bu çempionatdan sonra İtaliya A seriyasında oynamağı düşünmədiyini vurğulayıb: “Mançester Siti”nin fanatları, ingilisləri “Avro-2012”də məğlub etməyimizə baxmayaraq, məni çox sevirlər”.
Balotelli qeyd edib ki, dünənki gün onun həyatında ən möcuzəli gün olub: “Amma inanıram ki, bu bazar günü daha yaxşı bir gün olacaq. Əlbəttə, İspaniyanı məğlub edəcəyimizə inanıram. Biz bütün gücümüzü ortaya qoyacağıq. İndi isə bizə birinci növbədə dincəlmək, sonra oynamaq lazımdır. Unutmayın ki, biz İspaniyaya bu turnirdə qol vuran yeganə komandayıq. Sübut etdik ki, ispanlardan zəif deyilik. Ona görə də çempionluq uğrunda mübarizə aparacağıq”.
“Yuventus”a keçə bilər
“Ronaldo 20 yaşlı Neveşə bənzəmir”
Finlandiya 7 qolla qələbə qazandı
Pokatilovun oynadığı matçda qalib müəyyənləşmədi
Mbappenin durumu bəlli oldu
Millimizin Litva ilə oyunöncəsi son məşqindən - Şəkillər
Məşqçilərlə mübahisə etdi, yığmadan göndərildi
"Real"dan "Liverpul"a keçə bilər
Sloveniya və Şotlandiya xalları bölüşdü
“O, hələ də çox təhlükəlidir” - "Sabah"ın futbolçusu
İsraillə oyundan imtina edə bilərlər
“Sabah tam hazır şəkildə meydana çıxacağıq” - Mahir Emreli
“Güclü komandaya qarşı oynayacağıq, amma...” - Ayxan Abbasov
"Klub ən azı Premyer Liqadan kənarlaşdırılmalıdır"
Azərbaycan Qran-prisinin qalibi bəlli oldu
Arda Gülər: “Çox məyusuq”
İlham Əliyev və Mehriban Əliyeva Formula 1-i izləyirlər
Zidan Türkiyə üzərində qələbədən danışdı
