18:22
"Ukraynada süni örtüklü meydançada futbol oynamağa icazə verilmir. Amma burada normaldır".
QOL.az xəbər verir ki, bu sözləri "Neftçi"nin baş məşqçisi Yuri Vernidub Misli Premyer Liqasının 16-cı turunda səfərdə "Karvan-Yevlax" üzərində qazanılan 2:1 hesablı qələbəni şərh edərkən deyib.
Ukraynalı mütəxəssis qarşılaşmanı iki fərqli hissəyə bölüb. O, ilk hissədə komandasının lazımi sürət və intensivliyi göstərə bilmədiyini, rəqibin ciddi fürsətləri olmasa da, son dəqiqələrdə öz səhvlərindən penalti yaratdıqlarını bildirib. Vernidub ikinci hissənin isə tamamilə fərqli ssenaridə keçdiyini vurğulayıb:
"Rəqib vaxt aparmağa çalışırdı. Biz bunu anlayıb hücuma keçdik və nəticədə 2 qol vurduq. Yaradılan yüz faizli qol epizodlarını nəzərə alsaq, daha çox fərqlənməli idik".
Yevlaxdakı stadionun süni örtüyü barədə fikirlərini bildirən baş məşqçi maraqlı müqayisə aparıb. O, Ukraynada belə meydançalarda peşəkar futbola icazə verilmədiyini, lakin burada bunun normal qarşılandığını qeyd edib. Vernidub komandasının təbii otda məşq etdiyini əsas gətirərək zədə riskinə görə oyundan bir gün əvvəl Yevlaxda məşq etmək təklifindən imtina etdiyini söyləyib.
Çalışdırıcı formaların bənzərliyi səbəbindən yaranan pas xətaları ilə bağlı bunun müəyyən anlarda anlaşılmazlıq yaratdığını istisna etməyib.
O, Vensan Abubakarın performansı və fiziki durumu barədə isə bunları deyib:
"Abubakar dünya futbolunun ulduzudur, ona heç bir sualım yoxdur. Lakin o, komandaya mövsümün ortasında qoşulub. Fiziki durumunun nə yerdə olduğunu, nəyin yaxşı və ya pis olduğunu tam müəyyənləşdirmək üçün təlim-məşq toplanışına ehtiyac var".
Milli çempionatların oyunları xaricdə keçirilə bilər
Məhsuldar ötürmələri ilə rekorda imza atdı
"Qarabağ" derbidə belə qalib gəldi - Video
Daha 2 güləşçimiz Avropa çempionu oldu
İngiltərə Kubokunun finalçıları bəlli oldu
Azərbaycan derbisində qalib yenə “Qarabağ” oldu
"Qalatasaray" - "Fənərbaxça" matçının heyətləri açıqlandı
Azərbaycan boksçusu Dünya kubokunda qızıl medal qazandı
Rəqibin saçını dartan futbolçu cəzalandırılmadı - Şəkil
"Şamaxı"nın qələbəsindən - Video
6 qol, 1 qırmızı vərəqə
"Pley-off haqda düşünmək istəmirəm" - Azər Bağırov
"Bəzən futbolumuzu şouya çevirmək istəyirik" - Ayxan Abbasov
"Real" La Liqanı məhkəməyə verdi
