20:43
“Həqiqətən çox yaxşı oyun və nəticə oldu. Məncə, oyundan əvvəl heç kim inanmazdı ki, “Qarabağ” 3:1 hesabı ilə qalib gələcək”.
Bu sözləri QOL.az-a açıqlamasında Azərbaycan millisinin və “Qarabağ”ın sabiq üzvü Rauf Əliyev deyib.
“Qarabağ”ın UEFA Çempionlar Liqasının pley-off mərhələsinin “Ferensvaroş”la səfərdə keçirilən ilk oyunundan danışan keçmiş hücumçu Ağdam təmsilçisinin son vaxtlar belə yaxşı oyamadığını bildirib:
“Oyunda daha çox hakim olan, topa nəzarət edən “Qarabağ” idi. Məncə, son dövrlər “Qarabağ”dan belə oyun görməmişdik. Hiss olunur ki, hər oyunda komandada inkişaf var. Komanda hesabda geri düşməyini hiss etdirmədi, tez toparlandı. “Qarabağ” Macarıstan səfərində həm baxımlı oyun göstərdi, həm də sərfəli nəticə qazandı. Məncə, bu qələbə liqa mərhələsinə düşmək işini 80 faiz həll etdi. Düşünürəm ki, komandamız azarkeşlərin də dəstəyi qarşısında növbəti mərhələyə yüksələcək”.
R.Əliyev “Ferensvaroş”un baş məşqçisi Robbi Kinin oyundan sonra keçirilən mətbuat konfransında “Qarabağ” özünü qalib kimi hiss edir” cümləsinə də münasibət bildirib. O, Qurban Qurbanovun komandasında belə arxayınlığın mümkün olmadığını və “Qarabağ”ın mərhələni keçəcəyinə inandığını qeyd edib: “İnanmıram ki, komandada belə düşüncə, arxayınlıq olsun. Qurban müəllimi tanıyan biri kimi deyə bilərəm ki, heç vaxt buna imkan verməz ki, komanda rahat olsun. Onsuz da futbolçuların da hamısı təcrübəlidir, neçə illərdir ki, beynəlxalq oyunlarda iştirak edirlər. Onlar da matçın nə qədər vacib olduğunu dərk edirlər. İnanmıram ki, komandada hansısa arxayınlıq olsun”.
R.Əliyev “Qarabağ”ın əcnəbi hücumçu olmadan Çempionlar Liqasının təsnifat mərhələsində bu mövsüm hələ ki, ən çox qol vuran (13) komanda olması ilə bağlı isə bunları deyib: “Qarabağ” bu gün Çempionlar Liqasının Liqa mərhələsinin bir addımlığındadırsa, hücumçu tərəfini çox şişirtməyinə dəyməz. Komandanın yerli hücumçuları da fərqlənib. Gəncdirlər, amma komandaya fayda verirlər. Çempionlar Liqasının əsas mərhələsinə yüksəlsələr, məncə, yaxşı legioner hücumçu alınmalıdır. Hər halda klubda da bunu düşünürlər. Yəqin ki, hələ tam istədikləri hücumçunu tapa bilməyiblər, axtarışlar davam edir”.
Ramiq Ağaməmmədov
Azərbaycanlı futbolçudan Avroliqada möhtəşəm qol! - Video
“Qarabağ”ın pley-offdakı rəqibi dəqiqləşdi
Qurban müəllim onu sərgi eksponatına çevirib!
Mahir Emrelinin komandası da mərhələ adladı
Ayrılan kimi "Fənərbaxça"ya rəqib oldu
Ronaldo saçını narıncı rəngə boyadı - Şəkil
“Qarabağ” qalib gəlib “pley-off”a yüksəldi!
"Lester" klubu satışa çıxarıldı
Haaland 4 rekordla "Ginnesin Rekordlar Kitabı"nda
Açıqlamasına görə azarkeşlərdən üzr istədi
“Sumqayıt” onu komandada saxladı
"Bizi ciddi oynamağa məcbur etdilər"
Qurban Qurbanov Koxalskini ehtiyata göndərdi
