Silva: "Çelsi"nin məşqlərini izləmişəm"

Silva: "Çelsi"nin məşqlərini izləmişəm"
XƏBƏR 8 İyul 2025 / 15:52 774
-  A +

"Fluminense"nin futbolçusu Tyaqo Silva keçmiş klubu "Çelsi" ilə bu gün keçiriləcək klublararası dünya çempionatının yarımfinal oyunu öncəsi açıqlama verib. 

QOL.az xəbər verir ki, braziliyalı müdafiəçi qarşılaşma ilə bağlı "Daily Mail"ə deyib:

"Məşqçilər heyətinə bəzi xırda detallar barədə yardım etməyə çalışıram, amma bunlar aramızda qalacaq. Bir müddət əvvəl Londonda uşaqlarımı ziyarət edərkən “Çelsi”nin bir neçə məşqini də izləmişdim. Komandadakı bir çox futbolçunu yaxşı tanıyıram və onlarla demək olar ki, hər həftə danışırıq. Bəziləri mənə çox yaxındır.

Bu qarşılaşmanı səbirsizliklə gözləyirəm. Bu, mənim üçün çox xüsusi bir gündür. Amma əgər biz finala yüksələ bilsək, bu gün daha da möhtəşəm olacaq".

Qeyd edək ki, “Fluminense” – “Çelsi” oyunu bu gün, 8 iyul tarixində "MetLife" stadionunda keçiriləcək. Qarşılaşma Bakı vaxtı ilə 23:00-da başlayacaq.


Son xəbərlər