"Zirə"nin baş məşqçisi Rəşad Sadıqov Misli Premyer Liqasının 31-cu turunda "Sumqayıt"ı 3:1 hesabı ilə məğlub etdikləri oyunu şərh edib.
QOL.az xəbər verir ki, o, matçdan sonra keçirilən mətbuat konfransında deyib:
- İlk növbədə futbolçularımı təbrik etmək istəyirəm. Vacib üç xal və qələbə qazandıq. Birinci hissə bizim üçün daha rahat keçirdi. 2 top fərqi ilə irəlidə idik. "Sumqayıt" haqda oyunçularımıza məlumat vermişdik. Onlara rəngarəng və baxımlı futbol oynayan komanda olduğunu xatırladırdıq. Vaqif Cavadovun böyük rolu var. Maraqlı işlər görür. Xüsusilə də hücum fazasında diqqət cəlb edən həmlələr edir. İkinci hissənin əvvəlində qol buraxdıq. O qoldan sonra komandamın üzərində müəyyən stress yarandı. "Sumqayıt" irəli getməyə başladı. Dəyişikliklərlə hücum potensialını gücləndirdilər. Biz də məcburiyyətdən daha çox müdafiəyəmeyilli dəyişikliklər edirdik. Rəqibi əks-hücumda yaxalamaq istəyirdik. Amma onların da çoxlu epizodları var idi. "Sumqayıt" hesabı bərabərləşdirə bilərdi. Şükür Allaha, üçüncü qolu biz vurduq və qələbə qazandıq. "Sumqayıt"a uğurlar arzulayıram.
- Qalib gəlməsəydiniz, "Qarabağ" çempion olacaqdı. Bu məqam motivasiyasınızı artırırdı?
- Açığı, bu barədə heç düşünmürdük. Çünki aydın məsələdir ki, onlar çempiondur. Sadəcə formallaşdırmaqları qalıb. Biz hazırda yalnız özümüzü və mümkün qədər yüksək yerlərdə olmağı düşünürük. Heç oyun vaxtı o haqda düşünmürdüm. İkinci qolu buraxsaydıq da, futbolçularıma o qədərd də qəzəblənməyəcəkdim. Stresli dönəmlərdir. Son turlar yaxınlaşdıqca, müəyyən təzyiq olacaq. Kim stressi yaxşı idarə edəcəksə, o komanda daha da uğurlu olacaq.
- "Kocaelispor" yenidən Superliqaya qayıtdı. 16 il qabaq onlar son dəfə Superliqada olanda, siz də orada oynamışdınız...
- Çox sevindim. O komanda, şəhər və azarkeşlər yüksək liqada oynamağa layiqdir. Xüsusilə zarkeşlər adına çox sevindim. Möhtəşəm stadion tikilib. "Bursaspor", Kocaelispor" kimi komandalara yüksək liqada oynamağa layiqdirlər. Çox sevinirəm ki, "Kocaelispor" Superliqaya yüksəldi. Onlara azarkeşlik edəcəyəm.
- Ötən həftə Neftçi ilə oyunda Stefan Akaya qarşı rəqib azarkeşlər tərəfindən irqçilik edilmişdi. Bu gün Aka oyunu tribunadan izləyirdi. Onun psixoloji və fiziki durumu nə yerdədir?
- O epizod haqda hansısa məlumatım yoxdur. Bu haqda məlumatsızam. Zədəyə görə onu həmin oyunda dəyişmək istəyirdik. Davam etmək istədi və zədəsi ağırlaşdı. Artıq 2-3 həftə oynamayacaq. Amma ikinci hissədə göstərdiyi oyunu zədəyə dəyərdi. Çünki çox vacib qələbə qazandıq. Aka çox gözəl qəlbli, xarakterli insandır. Açığı, irqçi şüarları eşitməmişəm. Bəlkə, şüar eşitsəydik, nəsə demək olardı. Yəqin, bir nəfər deyib. Bunu da sırf "Neftçi" azarkeşlərinə bağlamaq doğru deyil.
- Yeni mövsümdən Premyer Liqada legioner limiti tətbiq edilməyəcək. Bu, sizin yerlilərlə bağlı planlarınıza təsir edəcək?
- Yox, müqavilə ilə bağlı planlarımızı dəyişmir. Amma rəqabət olacaq. Güclü olan oynayacaq. Biz DAK-la səfər matçında 5 yerli ilə oynamışdıq. Orada limit yox idi. Oyunçudan asılıdır. Rəqabətə qarşı kim güclü olacaqsa, o da oynayacaq. Heyətimizdə yerlilər də olacaq. Dəyərli yerlilərimiz var. Kimsə müqavilə var, kimsələrlə uzadacayıq.
- Danışıqlar apardığınız futbolçular var?
- Var. Danışacağımız futbolçular da var. Amma çox futbolçu bizimlə davam edəcək.
"Real"ın şikayəti rədd edildi
"Mingəçevir" "Cəbrayıl"a belə qalib gəldi - Video
“Qarabağ” UEFA reytinqində irəlilədi
4 qol vuruldu, "Mingəçevir" qalib gəldi
"Benfika" Mourinyo ilə danışıqlarda irəlilədi
“Mançester Siti" mənim yeganə seçimim idi”
2-ci liqada oyunların vaxtı açıqlandı
"Qalatasaray"da ciddi itki
AFFA-dan "Neftçi"yə rədd cavabı
Elxan Səmədovdan "Qarabağ"a təbrik
Azərbaycan kubokunun püşkü atıldı
Azərbaycan kubokunun finalı bu stadionda
Aleksander-Arnoldun durumu açıqlandı
Alleqri cəzalandırıldı
“Real” Çempionlar Liqasının tarixinə düşdü
Qol vurandan bir neçə dəqiqə sonra vəfat etdi
0:2 uduzarkən "Qarabağ"ın qələbə əmsalı 76 olub!
"Benfika"nı da gətirin qoyaq Qənimətlər Parkına
Kamilo Duran: "Hesabda geri düşsək də, təslim olmadıq"
"Qarabağ" çox bir şey etmədi" - "Benfika"nın futbolçusu
Prezident “Qarabağ”ı təbrik etdi
Yankoviçin durumu necədir?
"Arsenal" "Atletik"ə belə qalib gəldi - Video