16:47
“Zirə”nin müdafiəçisi, Misli Premyer Liqasının 26-cı turunda “Səbail”lə görüşdə (1:0) komandasının qələbə qolunu vuran Ruan Renato oyundan sonra jurnalistlərin suallarını cavablandırıb. QOL.az saytının əməkdaşının da iştirak etdiyi müsahibəni təqdim edirik:
- Dramatik sonluqla başa çatan görüşdə 3 xal qazandınız. Qəbələni necə şərh edərdiniz?
- Oyunun çətin keçəcəyini bilirdik. Həftə ərzində formada olan “Səbail”ə qarşı oynayacağımızı anlayırdıq. Məşqlərimiz də bunun üzərində qurulmuşdu. Gördüyünüz kimi, rəqib sona qədər mübarizə apardı. Yalnız final fitinə saniyələr qalmış qol vurub qələbə qazandıq. Nəticədən məmnunuq.
- Demək olar ki, erkən qol vura bilməmək “Zirə”nin işini çətinləşdirdi?
- Digər oyunlarda hücumameyilli futbolçularımız şanslarda istifadə edirdilərsə, bu dəfə alınmadı. İlk hissədə hesabı aça bilmədik. Belədə istər-istəməz vaxt daraldıqca təzyiq də artır.
- Dirəkdən qayıdan toplarınız oldu. Həmin anda düşünmədiniz ki, futbol yazılmayan qanunu – vurmayana vurarlar işə düşəcək və rəqib hesabı açacaq?
- Futbolda bəzən belə situasiyalar olur. Qol vəziyyətindən istifadə edə bilmədikdə təzyiq yaranır, stressi hiss edirsən. Xüsusən də “Səbail” kimi komandaya qarşı. Çünki onlar əks-hücumlarda yaxşıdırlar. Ani diqqətsizlik rəqibin fərqlənməsinə gətirib çıxara bilərdi. Xoşbəxtlikdən bu olmadı.
- Ardıcıl 4-cü qələbənizi qazandınız və 3-cü pillədəki “Araz-Naxçıvan”la aranızdakı xal fərqi 5-ə çatdı. “Zirə”nin əmin addımlarla ötənilki kimi gümüş medala doğru irəlilədiyini söyləyə bilərik?
- Xeyr, deməzdim. Baxmayaraq ki, xal fərqimiz böyüyüb. Amma mövsümün sonuna hələ çox var. Rəqiblərimiz son ana qədər mübarizə aparacaqlar. Düşünürəm ki, avrobkuboklara gedəcək klublar son turda müəyyənləşəcək. Rəqiblər istəyimizə tez çatmağımıza imkan verməzlər. Sona qədər mübarizə aparacaqlar.
- Yarımfinaldakı rəqibin “Qarabağ” olduğunu və apreldəki sıx təqvimi nəzərə alsaq, kubokda mübarizəni dayandırmağın çempionatda “Zirə”nin xeyrinə olduğunu demək mümkündür?
- Bu fikirlə razı deyiləm. Çünki mövsümə başlayarkən qarşımızda iki hədəf var idi. Biri çempionatda mümkün olduğu qədər yuxarı pillələrdə qərarlaşmaq və kubokda final oynamaq. Təəssüf ki, “Araz-Naxçıvan”la kubok oyunlarında rəqib 3 penaltidən faydalanaraq növbəti mərhələyə adladı. Bunda individual səhvlərimizin rolu oldu. Penaltilərdə uduzmağı həzm etmək çətin oldu. Halbuki ötən ilki kimi, yenə də finalda oynamaq istəyirdik.
- Növbəti turda səfərdə “Sabah”ın qonağı olacaqsınız. Həmin matçdan gözləntiləriniz nədir?
- Çempionatda uğurlu seriyamızı davam etdirmək istəyirik. Buna görə də “Sabah” səfərində də meydana 3 xal üçün çıxacağıq. Əlimizdən gələni edəcəyik ki, qələbə qazanaq.
Nəriman ehtiyatda qaldı
Keyndən yeni rekord
"Real" onu göndərir
Alonso "Çelsi" ilə razılaşıb?
Şamaxıda vurulan 5 qol - Video
"Bavariya" çempionluğunu 5 qolla qeyd etdi
"Mövsüm bitdikdən sonra..." - Jorj Kaşkilya
İngiltərə Kubokunun qalibi "Mançester Siti" oldu
“Qarabağ” Avroliqaya vəsiqəni təmin edib
"Bəzi futbolçularla vidalaşacağıq" - Qurban Qurbanov
"Qarabağ"ın 3 qollu qələbəsindən - Video
"Hakim qərarlarından qaynaqlanırdı" - Kurban Berdiyev
"Şamaxı"ya uğurlar arzulayıram" - Ayxan Abbasov
99 mükafat: 34 mövsüm, 21 komanda
"Şamaxı" "Turan Tovuz"a, "Qarabağ" "İmişli"yə qalib gəldi
Derbi matçına itki ilə çıxacaqlar
Dünya çempionatına gedəcəyi üçün ağladı - Video
"Arsenal" onu hədəfə aldı
"Barselona"nın futbolçusu çempionat matçını buraxacaq
1-ci liqada 5 oyunun saatı məlum oldu
Şamaxıda heyətlər açıqlandı
"Qarabağ" - "İmişli": Heyətlər
Levandovski "Barselona"dan gedəcəyini açıqladı
DÇ-2026-ya bu heyətlə gedəcəklər
“Araz-Naxçıvan”la hələ bir illik müaviləm var” - Video
Florentino Peresə qarşı intizam tədbiri tələb etdilər
Danimarka kubokunu qazandılar
10 ildən sonra "Roma"dan ayrılır
Malinovski Türkiyə klubuna keçir
Piolinin müqaviləsinə istefasından 7 ay sonra xitam verildi
