“Qarabağ”ın braziliyalı yarımmüdafiəçisi Julio Romao ölkəsinin “Globo” nəşrinə müsahibə verib.
QOL.az xəbər verir ki, həmyerlilərinə komanda yoldaşı Juninyonun Braziliyanın “Flamenqo” klubuna mümkün transferi barədə danışan futbolçu Azərbaycan çempionatı və digər məsələlər barədə də məlumat verib.
“Juninyo bu gün Braziliya futbolundakı bir çoxlarından fərqli mərkəz hücumçusudur. Adətən bir sırf qol vuran, bir də daha hərəkətli, çox sürətli hücumçular olur. Nadir hallarda hücumçularda bunların hər ikisi cəmləşir ki, Juninyo da belələrindəndir. Onun çox qol vurmasının səbəbi sürətidir. Sürətli hərəkətləri, ötürmə üsulu inanılmazdır. Adətən mərkəz hücumçuları bunu etmir.
Təəccüblü deyildi ki, “Flamenqo” və “Sevilya” kimi böyük klublar onunla maraqlanır. Əvvəl bizim nəzərimizdə “Qarabağ”ın oyunçusuna belə klubların diqqət etməsi mümkün deyildi. Əminəm ki, niyə arxasınca gəldiklərini göstərəcək. O, əla oyunçudur. Fərdi oyuna və ya fərqli bir hərəkətə ehtiyac duyduğumuz zaman, matçın taleyini həll edə bilər. Düşünürəm ki, sürətindən istifadə edərək çoxlu qollar vuracaq. Braziliyada onun kimi oyunçular çatışmır”.
27 yaşlı yarımmüdafiəçi qeyd edib ki, “Qarabağ” ardıcıl çempionluqlar yaşasa da, yerli çempionat onlar üçün o qədər də asan keçmir: “Gələndə dedilər ki, oyunlar çox ağır keçir. “Qarabağ” uzun illərdir çempion olur. Çünki baş məşqçimiz çoxdandır ki, klubun fəlsəfəsini saxlayır, klubu az oyunçu tərk edir. Bu da komandanın öz performansını qoruyub saxlaması deməkdir. Amma liqa çətindir. Çünki rəqiblər bizə qarşı başqa cür hazırlaşırlar. Avropa Liqasında komandalar ya bizimlə eyni səviyyədə, ya da bir az yüksəkdə olurlar. Azərbaycanda isə komandalar oyunu daha çox müdafiədən qurur. Bu da bizim işimizi çətinləşdirir. Çox çətin oyunlar olur. Rəqiblər artıq bizi yaxşı tanıyırlar”.
Romao Avropa Liqasında ötən mövsüm “Bayer”lə keçirdikləri oyunlara da toxunub: “Bayer”lə iki möhtəşəm oyun keçirdik və bundan sonra insanlar “Qarabağ”a başqa cür baxmağa başladılar. Bu oyunlardakı çıxışım hətta mənim üçün də sürpriz oldu. Gənc olanda topla daha çox oynayırdım, müdafiəyə meyilli yarımmüdafiəçi deyildim. Amma Portuqaliyada daha geridə oynamağa uyğunlaşmalı oldum və bu, “Qarabağ”dakı çıxışımda mənə çox kömək etdi”.
Romao Azərbaycandakı futbol mühiti haqda isə qeyd edib: “Azərbaycanda böyük oyunlarda stadionlar dolur. Amma təzyiq Braziliyadakı ilə müqayisə oluna bilməz. Burada daha çox məşqçi təzyiqi var. Rəhbərlikdən və azarkeşlərdən isə təzyiq çox deyil”.
Romao onu da bildirib ki, Juninyo “Flamenqo”ya keçsə, özünü sübut edə biləcək: “Juninyo təcrübəlidir, o, artıq Braziliya və Portuqaliyada oynayıb. “Qarabağ”dan “Flamenqo”ya onun üçün böyük sıçrayış olacaq və avtomatik olaraq ondan tələb də artacaq. Amma Juninyo necə davranacağını biləcək. Çünki çalışqan oğlandır. Sadəcə, gəlib bacardığını etməlidir. O, Braziliyada oynamağa hazırdır. Futbolçularla tanış olmaq və hazırlaşmaq üçün mövsümöncəsi vaxtı olacaq. Onun “Flamenqo”da yaxşı çıxış etmə ehtimalı çox yüksəkdir”.
2022-ci ildən “Qarabağ”da çıxış edən braziliyalı futbolçu Azərbaycana tam uyğunlaşdığını da əlavə edib. O, Azərbaycanın Avropanın bir çox ölkəsindən daha yaxşı olduğunu deyib: “Portuqaliya sakit, uyğunlaşmaq asan idi, eyni dildə danışırdım. Burada tamamilə fərqlidir. İnsanlar, mədəniyyət, iqlim... Ən çox diqqətimi çəkən insanların mənə münasibəti oldu. Məni çox yaxşı qarşıladılar. Əcnəbilər burada xoş qarşılanır. Gəlməzdən əvvəl qorxdum, amma Bakını tanıyanda çox bəyəndim. Görməli çox şey var. Mən artıq ailəmi gətirmişəm və hamı buranı bəyənir. Azərbaycan Avropadakı bir çoxlarından daha yaxşı ölkədir. Amma çoxları bunu bilmir. Təhlükəsizlik yüksək səviyyədədir. Şikayət edəcəyim heç bir şey yoxdur.
Mən burada Azərbaycan dilində demək olar ki, danışmıram. Rus dilindən də istifadə edirlər, amma çox çətindir. İngiliscə çox ünsiyyət qururam, ingiliscəmi təkmilləşdirmişəm və bu gün tam olaraq danışa bilirəm. Klubda yaxşı ünsiyyət qururam, problemləri həll edirəm”.
"Real"ın şikayəti rədd edildi
"Mingəçevir" "Cəbrayıl"a belə qalib gəldi - Video
“Qarabağ” UEFA reytinqində irəlilədi
4 qol vuruldu, "Mingəçevir" qalib gəldi
"Benfika" Mourinyo ilə danışıqlarda irəlilədi
“Mançester Siti" mənim yeganə seçimim idi”
2-ci liqada oyunların vaxtı açıqlandı
"Qalatasaray"da ciddi itki
AFFA-dan "Neftçi"yə rədd cavabı
Elxan Səmədovdan "Qarabağ"a təbrik
Azərbaycan kubokunun püşkü atıldı
Azərbaycan kubokunun finalı bu stadionda
Aleksander-Arnoldun durumu açıqlandı
Alleqri cəzalandırıldı
“Real” Çempionlar Liqasının tarixinə düşdü
Qol vurandan bir neçə dəqiqə sonra vəfat etdi
0:2 uduzarkən "Qarabağ"ın qələbə əmsalı 76 olub!
"Benfika"nı da gətirin qoyaq Qənimətlər Parkına
Kamilo Duran: "Hesabda geri düşsək də, təslim olmadıq"
"Qarabağ" çox bir şey etmədi" - "Benfika"nın futbolçusu
Prezident “Qarabağ”ı təbrik etdi
Yankoviçin durumu necədir?
"Arsenal" "Atletik"ə belə qalib gəldi - Video
"Qarabağ"ın Lissabondakı möhtəşəm geridönüşü - Video
Tahir Gözel: “Bu qələbəni cənab İlham Əliyevə həsr edirik”
“Qarabağ”a məğlubiyyətdən sonra istefaya göndərildi
AFFA prezidentindən “Qarabağ”a təbrik
Qurban Qurbanovdan tarixi qələbəyə reaksiya
Lissabon qələbəsi Azərbaycanı UEFA reytinqində irəli apardı
"Real" və "Tottenhem"dən qələbə, "Atletik" uduzdu
Möhtəşəm qələbə “Qarabağ”ı neçənci yerə yüksəltdi?
“Qarabağ” “Benfika”nı diz çökdürdü
Yamal "Barselona"nın ÇL matçını da buraxacaq
"Liverpul"la "Mançester Siti" onu hədəflədilər
"Qarabağ" "Benfika" ilə oyuna bu heyətlə çıxır
Millimiz Moldovaya qalib gəldi
"Göygöl"dən qələbə, "Qaradağ Lökbatan"dan darmadağın
Məşqçisi olduğu ən yaxşı futbolçuları açıqladı
“Barselona” bəyanat yaydı