22:57
"Barselona" futbolçuları Dani Olmo və Pau Viktoru qeydiyyatdan keçirə biləcək.
QOL.az xəbər verir ki, bu barədə "Marca" nəşri məlumat yayıb.
Kataloniya klubunun prezidenti Joan Laporta hazırda təmirdə olan "Kamp Nou" stadionun VİP oturacaqlarını sata bilib. Satışdan əldə edilən 100 milyon avroya hər iki futbolçunu mövsümün ikinci yarısı üçün qeydiyyatdan keçirmək olacaq.
Xatırladaq ki, daha öncə Barselona şəhərinin Arbitraj Məhkəməsi klubun qeydiyyat müraciətini rədd etmişdi. "Barselona" dekabrın 30-da məhkəməyə daha bir müraciət göndərəcək.
Qeyd edək ki, Kataloniya təmsilçisi son bir neçə ildə yeni futbolçularını qeydiyyatdan keçirməkdə çətinlik çəkir. Buna səbəb isə klubun La Liqanın maliyyə qaydalarına uyğun gəlməməsidir.
Daha öncə "Barselona" Olmonu zədəli futbolçuları Andreas Kristensenin əvəzinə qeydiyyatdan keçirmişdi. Yayda imzalanan müqaviləyə əsasən, 26 yaşlı futbolçunu mövsümün ikinci yarısına qeydiyyatdan keçirə bilməsələr, o, azad agent statusunda klubu tərk edəcək.
"İnter"ə qayıdır
"Çelsi"yə qarşı matçı buraxacaq
Tovuz stadionu Konfrans Liqasına görə təmirə bağlanır
Azarkeşlərə görə matçı boykot edə bilərlər
"Barselona"dan yeni rekord
“Araz-Naxçıvan” 20-ci dəfə ölkə çempionu oldu
“Şəfa”ya kubok nə zaman təqdim olunacaq?
Hakimin səhv qərar verdiyi təsdiqləndi - Şəkil
