13:30
“Bilirdik ki, bizi çətin oyun gözləyir. “Turan Tovuz” kifayət qədər güclü komandadır. Üstəlik, evdə, öz azarkeşləri önündə oynayırdı. Biz də meydana vuruşmaq, qələbə qazanmaq üçün çıxmışdıq. Qalib gəlmək istəyirdik. Təəssüf ki, belə alındı”.
QOL.az saytına müsahibəsində bu sözləri “Neftçi”nin kapitanı Rza Cəfərov Misli Premyer Liqasının 18-ci turunda “Turan Tovuz”a qarşı keçirilən oyundan (1:1) sonra deyib.
O, qış fasiləsindən sonra toparlanacaqlarını bildirib: “Turnir cədvəlində vəziyyətimiz ürəkaçan deyil. Amma son turlar vəziyyət yaxşıya doğru gedir. İnanıram ki, fasilədən sonra toparlanıb daha yaxşı çıxış edəcəyik”.
21 yaşlı qolkiper qeyd edib ki, Samir Abasov komandaya özünəinamı qaytarmaq istəyir: “Mövsümə uğursuz başladıq. Ardıcıl məğlubiyyətlər, xal itkiləri komandaya psixoloji cəhətdən mənfi təsir göstərdi. Bunun üçün də ilk növbədə özünəinamı qaytarmaq lazımdır. Samir müəllim də məhz bunun üçün çalışır”.
R.Cəfərov fasilədə heyətdə dəyişiklik olacağını vurğulayıb: “Fasilə zamanı heyətdə dəyişikliklər olacağını düşünürəm. Yəqin ki, həm gedənlər olacaq, həm də gələnlər. Vuruşmaq lazımdır. Mövsümün ikinci yarısında daha yaxşı çıxış etməliyik. İnanıram ki, bu vəziyyətdən çıxacağıq”.
“Neftçi”nin kapitanı sonda azarkeşlərə səslənib: “Hazırkı vəziyyət heç birimizi qane etmir. Birlikdə bütün çətinlikləri geridə qoyacağıq. Azarkeşlər daim yanımızdadırlar. Onların dəstəyini hər zaman hiss edirik. Mövsümün ikinci yarısında onları daha çox sevindirəcəyik”.
Messi bu kluba keçmək istəyir
Azərbaycanın U-21 millisi Belarusa uduzdu
Dünyanın ən yaxşı mərkəz hücumçuları
A seriyası klubunda baş məşqçi istefası
"Səbail"dən "Şamaxı"ya - Rəsmi
"İnter" yarımmüdafiəçi aldı
PSJ Asensioya qiymət qoydu
Millimizin Avropa çempionatı üçün heyəti açıqlandı
"Milan"ın bombardiri "Mançester Siti"yə keçir
“Şamaxı”nın yay hazırlıq planı açıqlandı
"Fənərbaxça" daha bir futbolçu ilə yolları ayırdı
"Zirə"də ilk ayrılıq
Bellinqemin qardaşı "Borussiya"ya keçir
Millimiz məşqə çıxdı - Şəkillər
UEFA PSJ-ni cərimələyəcək
Prezidentdən Minifutbol Federasiyası ilə bağlı - Sərəncam
"Araz-Naxçıvan"dan ayrılan ilk futbolçu müəyyənləşdi
"Liverpul"dan yeni transfer
Dzeko hansı ölkəyə gedir?
"Neftçi” iki futbolçu ilə müqaviləni ləğv etdi
"Qarabağ"da yayın ilk ayrılığı gerçəkləşdi
İngiltərəli hakim niyə kuryerlik edir?
Azərbaycan millisinin oyununa təyinat aldı
"Çelsi"dən ayrıldı
"İnter"də baş məşqçi vəzifəsinə iki namizəd var
"Barselona"dan İtaliya klubuna
Kuman: "Klublararası dünya çempionatı absurddur!"
"Alınmasa, özümü başqa sahədə sınayacam" - Vüqar Mustafayev
"Nəticə bizim üçün önəmlidir" - U-21 millimizin üzvü
