20:16
“Sumqayıt”ın müdafiəçisi Murad Xaçayevin QOL.az saytına müsahibəsi
- Azərbaycan kubokunun 1/8 finalında MOİK-i yalnız əlavə vaxtda üstələyə bildiniz. Görüşün bu cür çətin alınmasını nə ilə əlaqələndirmək olar?
- I Liqa komandalarına qarşı oynamaq həmişə çətin olur. Çünki onlar meydana ikiqat motivasiya ilə çıxırlar. Buna görə də oyun bizim üçün çətin keçdi. Yaxşı ki, əlavə vaxtda da olsa qələbə qazandıq və mərhələ adladıq.
- Növbəti mərhələdə “Sabah”la qarşılaşacaqsınız. Paytaxt klubunu da mübarizədən kənarlaşdırmaq mümkün olacaq?
- Bəli, rəqibimiz “Sabah”dır. Əslində, “Turan Tovuz”la bu komanda arasında ciddi fərq yoxdur. Hər iki çox güclü kollektivdir. Səviyyələri yüksəkdir. Ona görə də rəqibin kimliyi önəm daşımır. Qələbə üçün oynayacağıq. Əlimizdən gələni edəcəyik ki, “Sabah”ı da mübarizədən kənarlaşdıraq.
- Çempionatda “Sumqayıt”ın işləri heç də yaxşı getmir. Buna görə düşünmək olar ki, avrokuboklara yollanmaq üçün əsas ümidiniz məhz kubokadır?
- Biz çempionatda da hər oyuna qələbə üçün çıxırıq. Hər komanda güclüdür. Kuboku qazanmaq da asan deyil. Çünki “Sabah”ı mübarizədən kənarlaşdırsaq, yarımfinalda “Neftçi” ilə üz-üzə gələ bilərik. Ona görə də asan olmayacaq. Lakin hər şey özümüzdən asılıdır.
- Yeri gəlmişkən, həftəsonu çempionatda “Neftçi” ilə qarşılaşacaqsınız. Samir Abasov amilini nəzərə alsaq, qarşıdakı matçı prinsipial saymaq olar?
- Xeyr, “Neftçi” ilə oyun bizim üçün prinsipial deyil. Evdə, öz azarkeşlərimiz qarşısında oynayacağıq. Onları sevindirmək üçün bütün gücümüzü meydanda qoyacağıq.
- “Neftçi”nin hazırkı durumu qələbə şansınızı artırır?
- “Neftçi” yaxşı komandadır. Heyətlərində yüksək səviyyəli futbolçuları var. Bu gün turnir cədvəlində hansı yerdə olmaları önəmli deyil. “Neftçi” hər zaman çətin rəqibdir.
- Qış fasiləsi yaxınlaşır. Qarşıdakı 3 turda “Sumqayıt”ın hədəfi nədir?
- Turnir cədvəlində vəziyyət elədir ki, 5-10-cu yerlər arasında xal fərqi elə də çox deyil, komandalar bir-birinə yaxındırlar. Ona görə də maksimum xal ehtiyatımızı artırmalıyıq. İtkiyə yol verə bilmərik. Bunun üçün son 3 matça maksimum dərəcədə köklənməli, bütün gücümüzlə mübarizə aparmalıyıq.
Ronaldo, Benzema...
Son 68 ildə ilk dəfə
33 illik seriya qırıldı
Haalanddan tarixi nəticə
“Mançester Siti”nin qapıçısı klubdan ayrıla bilər
"Bu, komandamıza yaraşan bir hərəkət deyil" - Rəşad Sadıqov
"Turan Tovuz"un qələbəsindən - Video
Azərbaycan kubokunda ilk iki 1/4 finalçı müəyyənləşdi
Vinisiusun müqavilə danışıqları yenə uzadıldı
“Arsenal” zədə problemlərinə görə Maynoya yönəldi
“Neftçi”nin baş məşqçisi vəzifəsinə daha bir namizəd
"Real"ın futbolçusu yenidən sıradan çıxdı
“Ayaks”ın yarımçıq qalan oyunu başa çatdı
"Xankəndi", "Şəmkir" və "Ağdaş"dan evdə qələbə
Millimiz FİFA turnirinin qalibi oldu
İspan mətbuatı Ardanı niyə tənqid edir?
Superliqa klubunda yeni baş məşqçi
