22:53
Bu gün Azərbaycan milli komandası UEFA-nın Millətlər Liqasında bu mövsüm üçün çıxışını başa vuracaq. Qrupun sonuncu - 6-cı oyununda rəqib İsveç millisidir. Oyun Stokholmda keçiriləcək və Bakı vaxtı ilə saat 23:45-də başlanacaq.
QOL.az-ın xəbərinə görə, Skandinaviya təmsilçisinə qarşı bu matçın nəticəsindən asılı olmayaraq, Azərbaycan komandası qrupu sonuncu yerdə başa vuracaq. İsveç düşərgəsi də matça qələbə üçün çıxacaq. Çünki komanda qalib gəlməklə ən yaxşı qrup birincisi kimi DÇ-2026-nın seçmə mərhələsinin pley-off mərhələsinə vəsiqə qazana bilər.
Qeyd edilməlidir ki, hazırda C liqasında çətin, hətta tragikomik durumda olan komanda elə Azərbaycan millisidir. 5 matçdan cəmi 1 xalı olan Fernandu Santuşun kollektivi qalib gəlib xalını 4-ə yüksəltsə belə, öz qrupunu sonuncu yerdə bitirəcək. Çünki şəxsi oyunlarda Estoniya bizdən üstün olub.
Beləliklə, Azərbaycanın öz qrupunda sonuncu olması onu D liqasına yaxınlaşdırır. Amma tük nazikliyində bir ümid də var ki, biz C liqasında qalaq.
Bəs, bu, necə baş verə bilər?
Daha öncədən yazdığımız kimi, C liqasında qrup sonuncusu olan 4 komandadan daha pis nəticə göstərən 2-si D liqasına birbaşa düşür. Yarışın Əsasnaməsinə görə, D liqasının 2 ən güclü komandası isə C liqasına yüksəlir. C liqasında qrup sonuncusu olacaq ən yaxşı nəticəyə malik 2 milli isə D liqasının 2 qrup ikincisi ilə 2 matçdan ibarət pley-off görüşü keçirəcək (evdə və səfərdə).
Hazırda C liqasında 4 qrup sonuncularının xal durumu belədir:
Latviya - 4 xal (çıxışını başa vurub)
Lüksemburq - 3 xal (çıxışını başa vurub)
Azərbaycan - 1 xal (bir oyunu qalıb)
Litva - 0 xal (çıxışını başa vurub)
Sıralamadan da göründüyü kimi, Azərbaycan millisinin D liqasına birbaşa düşməməsinin yeganə yolu bu gün İsveçə qalib gəlib xalını 4-ə yüksəltməsidir. Bəli, bu, möcüzə kimi görünür…
Fərz edək ki, möcüzə baş verdi, onda biz Latviya ilə birgə D liqasının 2 ən yaxşı qrup 2-cisindən biri ilə oynayacağıq. Rəqib püşklə müəyyənləşəcək. D liqasında ikincilərindən biri Cəbəllütariqdir, digəri isə ehtiyatda hələ bir oyunu qalan Malta olacaq.
Bugükünkü matçda möcüzə başa verməsə isə…
Salam, D liqası!
Ən zəiflərin liqası.
Qol.az
"Liverpul" Salahı itirdi
Nəriman Axundzadə MLS-də debüt etdi
"Lion" heyətində çıxış etməyən oyunçu üçün cərimə ödəyəcək
Əllə oyun olsa da, hakim penalti təyin etmədi - Şəkil
Bundesliqa matçında 6 qol vuruldu, qalib bəlli olmadı
"Tottenhem" 5 penalti qaytaran qapıçıya göz dikdi
"Liverpul"dan 10 ildən sonrakı ilk antirekord
"Barselona" onunla sağollaşa bilər
"Turan Tovuz" "Qəbələ"ni belə məğlub etdi - Video
Ekitike sıradan çıxdı, milliyə qoşula bilməyəcək
"İddialı danışmaq üçün hələ çox tezdir" - Kurban Berdiyev
“Qarabağ”ın lehinə penalti verilməli idimi? - Video
“Turan Tovuz” “Qəbələ”yə qalib gəldi
Mahir Emreli keçmiş komandasına qarşı oynadı
