Futbol üzrə Azərbaycan milli komandası Millətlər Liqasının yeni mövsümünə uğursuz başladı. Yığmamız Fernandu Santuşun baş məşqçiliyi altında çıxdığı ilk matçların hər ikisində uduzdu. Komanda əvvəlcə evdə İsveçə 1:3, daha sonra isə səfərdə Slovakiyaya 0:2 hesabı ilə məğlub oldu.
U-17 və U-21 millilərimizin də son günlərdə aldığı məğlubiyyətlər Azərbaycan futbolundakı problemləri yenidən gündəmə gətirib.
QOL.az saytı bütün bu uğursuzluqlar və Azərbaycan futbolunun hazırkı durumu haqqında futbol mütəxəssisi Vidadi Rzayevin fikirlərini öyrənib.

Vidadi Rzayev əvvəlcə əsas millimizin çıxışı haqda danışarkən Fernandu Santuşun komandaya baş məşqçi təyin edilməsinin yanlış qərar olduğunu vurğulayıb: "Milli İsveçlə matçda pis oynamadı. Amma mən həmişə demişəm, indi də deyirəm ki,milliyə əcnəbi məşqçi lazım deyildi. Yerli mütəxəssislə davam etmək olardı. Hamımız deyirik ki, aşağı yaş qruplarında problemlər var. Orada mən də işləsəm, problemlər olacaq. Bu problemlərin kökünü axtarıb tapmaq lazımdır. Legionerləri gətirməklə iş düzəlmir. Əleyhinə deyiləm, amma hər şeyin vaxtı, vədəsi var. 4 il də ona vaxt verək, dünya və ya Avropa çempionatının final mərhələsinə çıxacaq - bu, inandırıcı deyil. Ona görə ki, U-17, U-19, U-21 millilərimizin hamısı məğlub oldu. Futbolçuların hamısı milliyə bu komandalardan gəlir də, küçədən gəlmir axı".
V.Rzayev Azərbaycan millisində futbolçu qıtlığı olduğunu vurğulayıb: "Sensasiya olası deyil. Millətlər Liqasında sonuncuyuqsa, təsəvvür edin ki, dünya çempionatında necə oynayacağıq. Millidə 5-6 yeni futbolçu var də. Köhnə futbolçuların da artıq yaşı keçir. Onların yerinə gələcək futbolçu yoxdur. Eminin yerinə kimi qoyacaqsınız? O vaxt da deyirdim ki, Maksim gedəcək, onun yerinə kimi gətirəcəksiniz? Artıq Bədavi də yaşlanıb. Futbolçunun pasportu meydançadır. Yəni, futbolçunun yaşı meydanda bilinir. Mən özüm 41 yaşımadək oynamışam. İstəsən, 5 yaşın olsun, çıx futbol oyna. Amma əgər oynaya bilirsənsə. Axı, bizim futbolçular artıq oynaya bilmirlər. İndi gedin, yerli oyunçu tapın".
O, Fernandu Santuşun Slovakiya ilə matçda heyət seçimində səhvə yol verdiyini deyib: "Santuş Slovakiya ilə oyunda heyətdə çox dəyişikliklər etdi. Oyuna baxa-baxa da bəzi futbol adamları ilə danışanda deyirdim ki, bu milli çətin uğur qazana. İsveçlə matçda oynadılar deyə bəlkə də yorulanlar var idi. Bəhlul Mustafazadə də zədələnmişdi. Amma Slovakiya ilə oyunda çox dəyişiklik oldu. İsveçlə matçda isə bütün statistikaya görə rəqib daha üstün oldu. İsveçlə oyunda ilk hissədə penaltini yerinə yetirə, qol vəziyyətlərindən yararlana bilsəydik, xal qazana bilərdik. İkinci hissədə isə onlar çox güclü oynadılar".
O, Azərbaycan U-21 millisinin baş məşqçisi Samir Əliyevin gənclərə Premyer Liqada az şans verilməsindən şikayətlənməsinə münasibət bildirib: "U-21 millimizi çox qınamıram. Çünki Premyer Liqa komandalarında 7 legioner oynayır. 1-ci liqanın da səviyyəsi aşağıdır. Məşqçilər çox əziyyət çəkirlər. Ona görə də məncə, çempionatların səviyyəsini qaldırmaq lazımdır. Bir sözlə, indiyə kimi neçə ilimiz hədər getdi. Meydançalarımız pis gündədir. Bu itirilən illəri bərpa etmək hələ ki, çox çətin görünür. Samir Əliyev də düz deyir. Onun yerinə mən də olsam, yenə eyni vəziyyət yaranacaq. Gəlib 5-i 15 edəsi deyiləm. Heç kim edə bilməz. Ona görə problemin kökünü tapmaq lazımdır".
Mütəxəssis vurğulayıb ki, milliyə futbolçu yetişdirmək üçün 1-ci və 2-ci liqada futbolun səviyyəsini yüksəltmək lazımdır: "Aşağı liqaların səviyyəsini qaldırmaq lazımdır. O vaxt da demişdim ki, liqaları bir-birinə qarışdırmayın. 1-ci divizionla əvəzedicilərin liqasını birləşdirmişdilər. İndi isə 1-ci və 2-ci liqaların səviyyəsini qaldırmalıyıq. Napoleon demiş, müharibə də pul ilə udulur. Maliyyə olmasa, heç nə etmək olmaz. 2-ci liqanın komandalarına 50 min manat pul verirlər. 50 min manatla nə etmək olar? Problemlər çoxdur... 1-ci liqanın komandalarının futbolçuları 300-500 manat maaş alırlar. Oyunçular da 2-ci işdə işləyirlər, başqa işlərlə məşğul olurlar. Qumara görə nə qədər adamı futboldan uzaqlaşdırdılar".
Mütəxəssis vurğulayıb ki, problem ölkəmizə gələn əcnəbi mütəxəssislərdə yox. Azərbaycan futbolunun sistemindədir: "Səhvlər aşağıdan başlayır, yuxarıyadək çıxır. Problemi tapmaq üçün futbolun başında oturanların hamısı oturub düşünməlidirlər. Dünya komandalarından təcrübə öyrənsinlər, gəlib tətbiq etsinlər. Milyonlarla pulu əcnəbi məşqçilərə xərcləməyin faydası yoxdur. Canni de Byazi Azərbaycana gələndə deyirdi ki, bu milli ilə dünyanı dağıdacam, dünya çempionatına vəsiqə qazanacam. Nəticə qazana bilməyəndən sonra da dedi ki, Azərbaycanda futbolçu yoxdur. İşdən çıxaranda da qəpiyinə qədər pulunu aldı, getdi. Neçə ildir ki, belə davam edir. Problem gələnlərdə yox, futbol sistemimizdədir".
Nur Zeynalova
“Komandanın hazırkı vəziyyəti məni qane edir” - Rui Jorje
Qrizmann ilin ən yaxşı futbolçusu seçildi
34 yaşında karyerasını bitirdi
Azərbaycan millisi İraqla qarşılaşdı
Yığmamız Farer adalarına qalib gəldi
Yüksək maaşı İngiltərəyə dönüşünə mane olur
Yalnız ÇL-də çıxış edəcək kluba keçməyə hazırlaşır
"Xankəndi"nin evdəki ilk oyununa maraq necədir?
Azərbaycanın U-21 millisi Omana qalib gəldi
Vinisius baş məşqçidən narazı qaldı
“Mançester Yunayted” onu hədəfə aldı
“Araz-Naxçıvan”ın zədəli futbolçusundan xəbər var
Qazaxıstan millisinin baş məşqçisi ilə müqavilə uzadılmadı
Braziliya Sinqapura 7 qol vurdu
Nurmaqomedovlar həbsdən azad edildilər
Azərbaycan millisi seçmə mərhələdə ilk xalını qazandı
1-ci liqada oyunların saatı açıqlandı
Orsatonun gəlişindən sonra qayda pozuntularının sayı azalıb
Azərbaycanı dünya çempionatında təmsil edəcək şahmatçılar
Dünya çempionu vəfat etdi
Bu gün QOL.az saytının 18 yaşı tamam olur
"Arsenal" onunla razılaşdı
Gəncədə "Qarabağ"la oyuna böyük maraq var
1 qola görə mümkün pley-off-dan kənarda qaldıq
Millidə debüt matçında qol vuran Eşqin: "Çox xoşbəxtəm"
Bugünkü oyunları yayımlayacaq kanallar
Niderland millisindən tarixi antirekord
Başından top zərbəsi alan futbolçu vəfat etdi
Xavi: “Bu, biabırçılıqdır”
“Portuqaliyanın uduzmasına sevindim” - Ronaldonun anası
“Onu “Qarabağ”dan transfer etmək istəyirdik, alınmadı”
İngiltərə klubu yeni baş məşqçisini rəsmən açıqladı
UEFA-nın FİFA prezidentliyinə namizədi oldu
“Neftçi”nin legioneri qələbədə iştirak etdi
“Bundan da yaxşı ola bilərik” - Ayxan Abbasov
İki boksçumuz Avropa çempionatına qələbə ilə başladı
“Şirvan” 3 xalı 5 qolla qazandı - Video
Azərbaycan millisi Andorraya qalib gəldi
“Kamp Nou”nun tam hazır olacağı tarix açıqlandı
Emin Mahmudova xüsusi hədiyyə təqdim olundu - Şəkillər
“Turan Tovuz”un futbolçusunun yığması uduzdu
Stas Pokatilov millidə növbəti oyuna çıxdı