19:07
“Həm birinci, həm də ikinci hissədə yaxşı oynadıq. Matç asan keçmədi. “Sabah” yaxşı rəqibdir. Keyfiyyətli futbolçulardan təşkil olunub. Xarakter nümayiş etdirdik. Bütün oyuna nəzarət bizdə idi. Qalib gəldiyimiz üçün xoşbəxtik”.
QOL.az saytına müsahibəsində bu sözləri “Zirə”nin üzvü Stefan Aka Misli Premyer Liqasının ikinci turunda “Sabah” üzərində qazanılan 2:0 hesablı qələbəni şərh edərkən deyib.
O, “Sabah”la matçda komandanı meydana kapitan kimi çıxarmasından məmnun olduğunu bildirib: “Baş məşqçimizə təşəkkür edirəm ki, mənə etimad göstərib. Komandanın kapitanlarından biri də mənəm. Mən də etimadı doğrulmaq üçün əlimdən gələni etməyə çalışıram. Hər zaman komandama faydalı olmaq istəyirəm”.
Fil Dişi Sahilindən olan müdafiəçi qeyd edib ki, ölkə çempionatında “Qarabağ”ın yeganə rəqibi “Zirə” deyil: “Düşünmürəm ki, “Qarabağ”la mübarizə aparacaq yeganə komanda bizik. Çempionatda keyfiyyətli kollektivlər var. Ona görə də mövsüm çox çətin və gərgin keçəcək”.
S.Aka 3 gün sonra “Osiyek”ə qarşı keçiriləcək UEFA Konfrans Liqasının 3-cü təsnifat mərhələsinin cavab matçı barədə də danışıb: “lk matçda səfərdə heç-heçə etmişik. Ola bilər kimsə düşünsün ki, müəyyən qədər üstünlüyümüz var. Lakin cavab matçı çox çətin keçəcək. Çünki “Osiyek” güclü rəqibdir. Bunu ilk matçda da gördük. Biz də növbəti mərhələyə yüksəlməyə qadirik. Buna görə də meydanda bütün gücümüzü qoyacağıq. Mərhələ adlamaq üçün sona kimi vuruşacağıq”.
34 yaşlı futbolçu bildirib ki, cütün taleyini xeyrinə həll etməsi üçün “Zirə” ilk növbədə bu məqamlara diqqət yetirməlidir: “İlk dəqiqələrdən rəqibi təzyiqdə saxlamalı, səfərdəki matçın nəticəsi barədə düşünməməliyik. Pressinq tətbiq etməli, aqressiv olmalıyıq. Baş məşqçimizin tapşırıqlarını yerinə yetirə bilsək, istəyimizə çatarıq”.
Aka “Osiyek”lə matçda azarkeşlərin dəstəyinə ehtiyac duyduqlarını söyləyib: “Biz avrokuboklarda təkcə özümüzü yox, ümumilikdə Azərbaycanı layiqincə təmsil etməyə çalışırıq. Lakin azarkeş məsələsi tək bizlə bağlı deyil. Təbii ki, fanatların stadiona gəlişi bizim üçün əlavə motivasiyadır. Onlarla daha güclü oluruq. Ona görə çox istərdim ki, qarşıdakı matçda azarkeşlərin güclü dəstəyini hiss edək”.
Avropa Liqasının ağası
DÇ-2026-nın reklam çarxında yer aldı, azarkeşlər qınadı
Premyer Liqanın ən gənc çempionu oldu
Dembele "Arsenal"a qarşı oynayacaq
Kukurella "Çelsi"dən gedəcək?
"Arsenal" Artetaya yüksək maaş təklif edə bilər
Millinin təlim-məşq toplanışı ləğv edildi
Mourinyo Vinisiusla bağlı nə düşünür?
"Arsenal" çempionluq paradı keçirəcək
Türkiyə kubokunda finalın hakimləri açıqlandı
Son üç mövsümün bombardirləri kimlərdir?
UEFA milli komandalar üçün yeni format müəyyənləşdirdi
Meydanı özbaşına tərk edən bölgə klubu cəzalandırıldı
1-ci liqanın çempionu cərimələndi
AFFA-dan "Sabah" və "Neftçi"yə cəza
“İmişli”də yeni müqavilə
Son üç mövsümün 10 bombardiri
11 illik dövrün sonu
Noyer mundialı buraxa bilər
