17:15
Bu gün UEFA Çempionlar Liqasında 2023-2024 mövsümünün qalibi bəlli olub.
QOL.az xəbər verir ki, final matçında İspaniyanın “Real” və Almaniyanın “Borussiya” (Dortmund) klubları üz-üzə gəlib. İngiltərənin paytaxtı Londondakı “Uembli” stadionunda keçirilən matç "Real"ın 2:0 hesablı qələbəsi ilə yekunlaşıb.
ÇL-in ən titullu klubu olan "Real" ümumilikdə 15 dəfə (1956, 1957, 1958, 1959, 1960, 1966, 1998, 2000, 2002, 2014, 2016, 2017, 2018, 2022) bu kuboku başı üzərinə qaldırıb. Dortmund klubu isə yalnız bir dəfə - 1996-1997 mövsümündə yarışın qalibi olmuşdu.
Həmçinin "Real"ın baş məşqçisi Karlo Anççelotti karyerası ərzində 5-ci dəfə ÇL-i qazanıb ("Milan"la 2002/03 və 2006/07 mövsümlərində, "Real"la (2013/2014 və 2021/22 mövsümlərində).
Bugünkü final matçı Toni Kroosun "Real"dakı son oyunu olub. O, Almaniya yığması ilə Avro-2024-də iştirak etdikdən sonra karyerasını başa vuracaq.
Eyni zamanda "Borussiya"nın futbolçusu Marko Roys da komandada son oyununu keçirib.
Qeyd edək ki, "Real" UEFA Superkubokunun finalında Avroliqanın qalibi "Atalanta" ilə qarşılaşacaq.
1 iyun
UEFA Çempionlar Liqası
Final
23:00 "Borussiya" Dortmund (Almaniya) – "Real" (İspaniya) - 0:2
Qollar: Dani Karvahal, 74 (0:1), Vinisius Junior, 83, (0:2)
Baş hakim: Slavko Vinçiç (Slovakiya)
London. "Uembli" stadionu
Zubirdən vida mesajı
Qol vurandan sonra huşunu itirdi
"Araz-Naxçıvan" - "İmişli" matçından - Video
Nuriyev qol vurdu, komandası uduzdu
"Bizi çox çətin oyunlar gözləyir" - Cavid Hüseynov
Transfer təklifini rədd etdi, kapitanlıqdan məhrum oldu
“Sumqayıt” portuqaliyalı futbolçu transfer etdi
Şeydayevin komandasının matçı təxirə salındı
"Çelsi" "Real Sosyedad"a qalib gəldi
"Sabah" - "Kəpəz" matçının heyətləri açıqlandı
"İmişli"nin futbolçusu zədələndi
"Araz-Naxçıvan"da baş məşqçi ilə bağlı qərar
İlham Zəkiyev 10-cu dəfə Avropa çempionu oldu!
"Konyaspor"dan bir gündə 4 transfer
Klub 60 ildən sonra onu göndərdi, azarkeşlər etiraz etdi
"Araz-Naxçıvan" - "İmişli": Heyətlər
İmad Faraj "Neftçi" ilə vidalaşdı
“Qalatasaray”a "yox" dedi
