Xabi: "Oyun planı bir foto, matç isə filmdir”

Xabi: "Oyun planı bir foto, matç isə filmdir”
XƏBƏR 22 May 2024 / 11:38 1543
-  A +

“Bayer”in baş məşqçisi Xabi Alonso Avropa Liqasının finalında “Atalanta”ya qarşı keçirəcəkləri matç haqqında danışıb.

QOL.az UEFA-nın saytına xəbər verir ki, ispan mütəxəssis həlledici görüşə xüsusi hazırlaşmadıqlarını deyib:

“Hazırlıq planında heç nəyi dəyişmədik. Bu mövsüm 51 oyun oynamışıq. Bu haqda dəfələrlə danışmışıq. Bizim futbolçularımızda sadəcə oyuna tam hazırlaşmaq anlayışı var. Qarşıdakı iki görüşdə də vəzifəmiz qələbə qazanmaqdır.

Bu, mənim Qasperini ilə ilk görüşüm olacaq. Mənim üçün böyük şərəfdir. Hər iki komanda 3-4-3 sxemində oynayır, lakin biz çevik ola və taktikanı dəyişə bilərik.

“Atalanta”da futbolçularının oyunlarına baxanda görürəm ki, xüsusi şeylər edə bilirlər. Onlardan yeni nəsə öyrənirsən. Biz buna hazırlaşmağa çalışdıq. Amma oyun planı bir şəkil, matç isə filmdir”.

Qeyd edək ki, bu gün keçiriləcək final oyunu Bakı vaxtı ilə saat 23:00-da başlayacaq.


Son xəbərlər
22.06.24  13:45

Polis azarkeşi döydü