Mourinyo "Beşiktaş"a gəlməyə razılaşdı

Mourinyo "Beşiktaş"a gəlməyə razılaşdı
XƏBƏR 19 May 2024 / 12:30 4543
-  A +

"Beşiktaş" məşhur mtəxəssis Joze Mourinyo ilə danışıqlar aparır.

QOL.az xəbər verir ki, bu barədə İstanbul klubunun vitse-prezidenti Hüseyn Yücel danışıb. O, 61 yaşlı mütəxəssislə danışıqların uğurla irəlilədiyini deyib: 

“Mən Joze Mourinyo ilə təxminən bir ay əvvəl İstanbulda görüşdüm. Onu “Beşiktaş”da görmək istədiyimi, klubumuza uyğun olduğunu söylədim. Joze Mourinyo “Beşiktaş”ı izləyəcəyini və mənimlə əlaqə saxlayacağını dedikdən sonra vəziyyəti dəyərləndirəcəyini bildirdi.

Mourinyo bir müddət sonra geri zəng etdi və "Beşiktaş"a gəlməyə razılaşdı. Gələn həftə İtaliyada da Mourinyo ilə görüşüm var. Mourinyo "Beşiktaş"da çalışmaq istədiyini də bildirib. Biz onun iqtisadi gözləntilərini qarşılamağa hazırıq və sponsorluq dəstəyi üzərində də işləyirik. Mourinyo ilə bağlı məsələyə direktorlar şurasında baxacağıq. Gələn həftə final toplantısını İtaliyada keçirəcəyik”.

Xatırladaq ki, portuqaliyalı mütəxəssis hazırda işsizdir. Onun son iş yeri 2021-ci ildən 2024-cü ilin yanvarına kimi rəhbərlik etdiyi “Roma” olub.


Son xəbərlər