Filip Ozobiç: "Yalnız "Neftçi" haqqında düşünürəm"

Filip Ozobiç: "Yalnız "Neftçi" haqqında düşünürəm"
XƏBƏR 19 May 2024 / 12:00 1997
-  A +

"Neftçi"nin futbolçusu Filip Ozobiç Misli Premyer Liqasının 35-ci turunda "Səbail"ə 3:0 hesabı ilə qalib gəldikləri oyundan sonra QOL.az saytına açıqlama verib.

O, əvvəlcə oyunla bağlı fikirlərini bölüşüb: “Düşünürəm, bu qələbəyə layiq idik və “Səbail”dən daha yaxşı oynadıq. Əvvəlcə çox pressinq etmək istəmirdik, sonra isə pressinq etməyə başladıq. Amma düşünmürəm ki, qola qədər rəqib bizdən yaxşı oynayırdı. Bizim də çoxlu şanslarımız olurdu. Sadəcə yararlana bilmədik. Bu qələbə bizim üçün çox vacib idi. Son turdaki “Sabah”la oyuna yaxşı hazırlaşıb qalib gəlmək istəyirik”.

33 yaşlı futbolçu öz oyunu və gələcək planları barəsində belə deyib: “Öz oyunumu qiymətləndirmək çətin olar. Bunu gərək başqaları kənardan baxıb desin. Özüm özümü qiymətləndirmək istəmirəm. Gələcək haqda isə deyə bilərəm ki, mənim indi “Neftçi” ilə müqaviləm var. Yalnız bu haqda düşünürəm”.


Son xəbərlər