Dünya kuboku: Nicat Abasov 1/8 finala qələbə ilə başladı

Dünya kuboku: Nicat Abasov 1/8 finala qələbə ilə başladı
ŞAHMAT 12 Avqust 2023 / 20:38 1192
-  A +

Bakıda təşkil olunan şahmat üzrə Dünya kubokunda 1/8 final mərhələsinin ilk oyunları keçirilib.

Qol.az xəbər verir ki, Azərbaycan şahmatçısı Nicat Abasov ağ fiqurlarla Birləşmiş Ərəb Əmirliklərinin təmsilçisi Saleh Salemlə qarşılaşıb.

Bərabər vəziyyətdə keçən oyunun sonuna doğru Abasov rəqibi qarşısında ardıcıl olaraq çətinliklər yaradıb.

Rəqib yaranan təzyiqin qarşısında səhv gediş edib. Beş saat davam edən partiyanın yekununda Saleh Salem 54-cü gedişdə təslim olmağa məcbur olub.

1/8 finalda ilk partiya Abasovun qələbəsi ilə sona çatıb. Şahmatçılar arasında cavab görüşü avqustun 13-də keçiriləcək.

Daha çox


Son xəbərlər