"Rakov"un kapitanı: "2:0-dan sonra iki qol buraxmaq bir az axmaqlıqdır"

"Rakov"un kapitanı: "2:0-dan sonra iki qol buraxmaq bir az axmaqlıqdır"
ÇEMPİONLAR LİQASI 27 İyul 2023 / 14:52 3136
-  A +

“Qarabağ”ın ikinci qoluna əsəbiləşdim. Çünki 2:0-dan sonra iki qol buraxmaq bir az axmaqlıqdır.  Biz özümüzü daha yaxşı aparmalıyıq. Belə situasiyalarda daha diqqətli olmalıyıq. Baş verənləri təhlil etməli və belə səhvləri təkrarlamamalıyıq".

Qol.az sportowefakty.wp.pl saytına istinadən xəbər verir ki,  bu sözləri Polşa “Rakov”unun kapitanı  Zoran Arseniç Çempiponlar Liqasının 2-ci təsnifat mərhələsində evdə “Qarabağ”a 3:2 hesabı qalib gəldikləri ilk oyunundan sonra deyib.

O, hər qələbənin  qiymətli olduğunu bildirib: "Bir top üstünlüyü ilə Azərbaycana gedəcəyik. Yaxşı hazırlaşmalıyıq. Çətin olacaq, amma mən özümüzə inanıram. Orada da qalib gəlmək üçün əlimizdən gələni edəcəyik".

Müdafiəçi “Qarabağ”ın oyunun onlar üçün sürpriz olmadığını söyləyib: "Söhbət son 9 ildə hər il avrokuboklarda çıxış edən komandadan gedir. Məni heç nə təəccübləndirmədi. Yüksək intensivlik, aqressivlik, hər şeyə hazırlaşdıq”.

Qeyd edək ki, "Qarabağ"ın "Rakov"la Bakıdakı cavab oyunu avqustun 2-i keçiriləcək.


Son xəbərlər
24.06.24  20:35

"Real"dan ayrılır