Ümummilli Lider Heydər Əliyevin 100 illiyinə həsr olunmuş turnirin qalibləri müəyyənləşdi

Ümummilli Lider Heydər Əliyevin 100 illiyinə həsr olunmuş turnirin qalibləri müəyyənləşdi
ŞAHMAT 12 May 2023 / 11:00 1252
-  A +

Azərbaycan İdman Jurnalistləri Assosiasiyasının (AİJA) təşkilatçılığı və ETOPAZ-ın baş sponsorluğu ilə Ümummilli Lider Heydər Əliyevin 100 illiyinə həsr olunmuş idman jurnalistləri arasında şahmat turniri keçirilib.

Qol.az xəbər verir ki, Məmmədyarovlar şahmat məktəbində keçirilən, dairəvi sistem üzrə 7 turda keçirilən turnirdə bütün rəqiblərinə qalib gələn jurnalist Kamran Hacı çempion olub. İlkin Fikrətoğlu ikinci, İlkin Vidadioğlu üçüncü yeri tutublar.

Yarışın sonunda iştirakçılar mükafatlandırılıb.

Mükafatları AİJA prezidenti, əməkdar jurnalist Eldar İsmayılov və Məmmədyarovlar şahmat məktəbinin təsisçisi, qadınlar arasında beynəlxalq dərəcəli qrossmeyster Zeynəb Məmmədyarova təqdim ediblər.

Eldar İsmayılov Ulu Öndərin Azərbaycan mediasının inkişafındakı misilsiz rolundan və jurnalistlərə daimi diqqətindən danışıb.

Zeynəb Məmmədyarova isə Ümummili Liderin Azərbaycan idmanının və şahmatının tərəqqisində göstərdiyi xidmətlərdən bəhs edib və media nümayəndələrinə gələcək fəaliyyətlərində uğurlar arzulayıb.

Daha çox


Son xəbərlər
28.03.24  10:55

Qrizmann qayıtdı

27.03.24  21:58

Keyn sağaldı