08:28
Azərbaycan millisinin sabiq yarımmüdafiəçisi Araz Abdullayev növbəti dəfə qalmaqalla gündəmə gəlib.
Qol.az “Qafqazinfo”ya istinadən xəbər verir ki, yaşadığı problemlərə görə futbol karyerasını erkən başa vuran vinger bu dəfə “parkovşik”i vurub.
Bununla bağlı görüntülər TikTok-da yayılıb. Videoda A.Abdullayevin obyektlərin birinin qarşısında dayanan azyaşlıya “önümdən çəkil, bir də belə etsən, başını əzərəm” dediyini görmək mümkündür.
TikTokda canlı yayım edən azyaşlı isə “mən burda çörəyimi qazanıram” deyə ona cavab verir. Lakin futbolçu onu vurur.
“Neftçi” və “Qarabağ”da da oynamış yarımmüdafiəçinin bu hərəkəti sosial şəbəkələrdə etirazla qarşılanıb.
Sözügedən videosuna görə ciddi tənqidlərə məruz qalan Araz Abdullayev sosial şəbəkə hesabında paylaşım edərək uşaqdan üzr istəyib və ona formasını hədiyyə edib: “Həmən Kənan qardaşımla danışdıq, yoluna qoyduq. İnsanların reaksiyası olması gərəkən kimi idi. Üzr istəyirəm, qardaşım, yanındayam”.
Qeyd edək ki, Araz Abdullayev 2013-cü ildə Nobel prospektində (indiki 8 noyabr prospekti) avtomobili ilə iki süpürgəçini vurmuşdu. Nəticədə onlardan biri həyatını itirmişdi.
“Pley-off”da final günü
İran idmançıları bəzi ölkələrə gedə bilməyəcək
Azərbaycan millisinə mükafat təqdim olundu - Video
Azərbaycan millisi FİFA seriyasının qalibi oldu
Münhen klubunu tərk edəcək
Umarali Raxmonaliyevin yığması qələbə qazandı
