Şahmatçımız yenidən "10-luq"da - FİDE reytinqi

Şahmatçımız yenidən "10-luq"da - FİDE reytinqi
ŞAHMAT 28 Fevral 2023 / 18:16 2209
-  A +

Beynəlxalq Şahmat Federasiyası (FİDE) yeni reytinq cədvəlini açıqlayıb.

Qol.az qurumun rəsmi saytına istinadən xəbər verir ki, ilk "10-luq"da Azərbaycanının bir təmsilçisi yer alıb. Teymur Rəcəbov 2747 xalla 10-cu pilləyə yüksəlib.  Şəhriyar Məmmədyarov isə əvvəlki sıralamaya nəzərən 15-ci pillədə (2738) qalıb.

 Qədir Hüseynov (2661) 83-cü pillədə, Rauf Məmmədov (2646) 100-cü yerdə qərarlaşıb.

Siyahıya yenə norveçli dünya çempionu Maqnus Karlsen (2852) başçılıq edir. Rusiyalı Yan Nepomnyaşi (2795) 2-ci, çinli Liren Dinq (2788) 3-cüdür.

Qadın şahmatçılarımızdan Günay Məmmədzadə (2472) 22-ci, Ülviyyə Fətəliyeva (2427) 42-ci, Gövhər Beydullayeva (2388)  61-ci, Xanım Balacayeva (2372) 70-ci, Gülnar Məmmədova isə (2358) 88-ci pillədədirlər.

Daha çox


Son xəbərlər
28.03.24  10:55

Qrizmann qayıtdı

27.03.24  21:58

Keyn sağaldı