Şahmatçılarımız dünya çempionatında mübarizəyə başladılar

Şahmatçılarımız dünya çempionatında mübarizəyə başladılar
ŞAHMAT 26 Dekabr 2022 / 21:59 924
-  A +

Azərbaycan şahmatçıları Qazaxıstanın Almatı şəhərində rapid və blits üzrə dünya çempionatında mübarizəyə başlayıb.

Qol.az xəbər verir ki, turnirdə kişilərin yarışında Şəhriyar Məmmədyarov, Qədir Hüseynov, Rauf Məmmədov, Vasif Durarbəyli, Vüqar Əsədli, Aydın Süleymanlı, Məhəmməd Muradlı və Abdulla Qədimbəyli, qadınlardan isə Günay Məmmədzadə, Gülnar Məmmədova, Ülviyyə Fətəliyeva, Xanım Balacayeva, Gövhər Beydullayeva və Ləman Hacıyeva mübarizə aparırlar.

İlk gündə rapid növündə beş tur oynanılıb. Kişilərdən ibarət yığmanın lideri Məmmədyarov yarışa 3 qələbə, 2 heç-heçə ilə başlayıb. Durarbəyli 1 qələbə, 3 heç-heçə, 1 məğlubiyyət, Süleymanlı 2 qələbə, 2 heç-heçə, 1 məğlubiyyət, Əsədli 4 qələbə, 1 heç-heçə, Muradlı 3 qələbə, 2 məğlubiyyət, Qədimbəyli və Məmmədov isə hərəyə 3 qələbə, 1 heç-heçə və 1 məğlubiyyətlə yadda qalıb.

Qadınların mübarizəsində Məmmədzadə 3 qələbə, 1 heç-heçə, Məmmədova, Fətəliyeva və hacızadə hərəyə 2 qələbə, 1 heç-heçə, 1 məğlubiyyət, Balacayeva 3 qələbə, 1 məğlubiyyət, Beydullayeva isə 1 qələbə, 1 heç-heçə və 2 məğlubiyyətlə yadda qalıb.

Dünya çempionatı dekabrın 30-da başa çatacaq. Mükafat fondu 1 milyon ABŞ dolları olan mundialda 258 qrossmeyster (155 kişi, 103 qadın) mübarizə aparır.

Daha çox


Son xəbərlər
08.02.23  22:13

"Traktor"dan qələbə