Azərbaycanın UEFA reytinqində xalı artdı

Azərbaycanın UEFA reytinqində xalı artdı
ÖLKƏ FUTBOLU 5 Avqust 2022 / 09:00 6827
-  A +

Avrokuboklarda 3-cü təsnifat mərhələsinin ilk oyunlarından sonra Azərbaycanın UEFA reytinqindəki xalı artıb.

Qol.az xəbər verir ki, Çempionlar Liqasının 3-cü təsnifat mərhələsində "Ferentsvaroş"la (Macarıstan) Bakıda heç-heçə (1:1) edən "Qarabağ" ölkəmizin aktivinə 0,125 xal yazdırıb. Ötən gün isə "Neftçi" Konfrans Liqasının 3-cü mərhələsində "Rapid"ə (Avstriya) evdə qalib gəlməklə (2:1) Azərbaycanın hesabına 0,250 xal qazanıb. Beləliklə, ölkəmizin 2022/23 mövsümündəki xallarının sayı 1,625-ə, son 5 mövsümdə isə 14,250-yə çatıb. Buna baxmayaraq, Azərbaycanın UEFA reytinqindəki mövqeyi dəyişməz olaraq qalıb - 29-cu pillə. 28-ci sırada 15,375 xalla Polşa qərarlaşıb.

1-ci pillədə 88,855 xalla İngiltərədir. İspaniya 2-ci (78,712), Almaniya isə 3-cüdür (67,856). Türkiyə 21,600 xalla 20-ci sırada yer alıb.

Qeyd edək ki, "Qarabağ"ın "Ferentsvaroş"la cavab oyunu avqustun 9-u Macarıstanda, "Neftçi"nin "Rapid"lə görüşü isə avqustun 11-i Avstriyada olacaq.

Daha çox


Son xəbərlər