11:42
Azərbaycan futzal millisinin "Torpedo"da (Rusiya) oynayan qapıçısı Rövşən Hüseynli federasiyanın rəsmi saytına müsahibə verib.
- Bakıya nə vaxt dönmüsən?
- Mayın 20-də gəlmişəm. Çempionat başa çatıb, ona görə də istirahətə buraxdılar. Müqaviləm isə iyunun 15-nə qədər davam edir.
- Bəs gələcək karyeranla bağlı vəziyyət nə yerdədir?
- Danışıqlar davam edir. “Torpedo”dan başqa “Araz-Naxçıvan” da məndən cavab gözləyir.
- Danışıqların uzanmasının səbəbi nədir?
- Bilirsiniz ki, UEFA Rusiya klublarına sanksiya tətbiq edib və onlar UEFA Çempionlar Liqasında iştirak etməyəcəklər. Eyni zamanda klubun büdcəsi, eləcə də legioner limiti ilə bağlı qərarı gözləyirlər. Bəzi futzalçılarla da müqavilə başa çatır. Bir sözlə, yeni mövsümlə bağlı baş məşqçinin hazırlıq planı, kimlərlə işləmək istəyəcəyi ilə bağlı qərarı gözlənilir. Amma klub rəhbərliyi xidmətimdə maraqlı olduğunu qeyd edib. Ona görə mən də hələ ki, cavab gözləyirəm.
- Özün seçimini etmisən?
- Əlbəttə, “Torpedo”da qalmağı çox istəyirəm. Ora gedəndən sonra komandam 8 oyun keçirdi və 3-də mənim adım olmadı. Çünki qeydiyyatla bağlı problemlər yaranmışdı. Daha sonra məsələ həllini tapdı. Pley-off zamanı oyunların hamısında iştirak etməməyim isə legioner limiti ilə bağlı idi. Bütün bunları nəzərə alsaq, Super Liqada sözümü deməmişəm. Təbii ki, bu tək mənim qərarımdan asılı deyil. Bunun üçün klub da qərarını verməlidir. Yəqin ki, yaxın 10-15 gün ərzində bütün suallara aydınlıq gətiriləcək.
- “Torpedo” qarşıya qoyulan məqsədə nail olmadı, demək olarmı?
- Əslində, məqsəd pley-off-a vəsiqə qazanmaq idi ki, komanda əsas mərhələdə ikinci yeri tutmaqla buna nail olmuşdu. Həlledici mərhələdəki rəqibimiz dəfələrlə Rusiya çempionu olub, təcrübəli futzalçılardan qurulumuş komandadır. Heyətimizdə də zədəli futzalçılar var idi. Onların vacib oyunda iştirak etməməsi işimizi çətinləşdirdi.
- Pley-off oyunlarında az oynadın. Səbəbi ancaq limitlə bağlı idi?
- Bu daha çox baş məşqçinin taktiki tapşırıqları ilə əlaqədar idi. Digər qapıçını beşinci oyunçu kimi istifadə edirdi.
- Ümumi hansı fərqləri qeyd edərdin?
- Çempionat həm maraqlı, həm də çətindir. Səfərlər üçün bəzən 13-14 saat yol gedirsən. Oyunların müddəti 50 dəqiqə davam edir. Bundan başqa, çempionatda güclü legionerlər çıxış edir. Təsəvvür edin, “Qazprom” əsas mərhələni 7-ci pillədə başa vursa da, Super Liqanın finalına qədər irəliləyib. Yəni sonuncu pillədə yer alan komanda ilk pillədəki istənilən komandanı yenə biləcək gücdədir. Bir sözlə, maraqlıdır.
“Pley-off”da final günü
İran idmançıları bəzi ölkələrə gedə bilməyəcək
Azərbaycan millisinə mükafat təqdim olundu - Video
Azərbaycan millisi FİFA seriyasının qalibi oldu
Münhen klubunu tərk edəcək
Umarali Raxmonaliyevin yığması qələbə qazandı
Messi Zambiyaya qarşı meydana çıxacaq
Arteta London klubunda qalacaq
"Yuventus" "Mançester Yunayted"in futbolçusuna göz dikdi
PSJ, "Bavariya", yoxsa Səudiyyə Ərəbistanı?
"Sumqayıt"ın Ronaldosu millidə növbəti matçına çıxdı
Azərbaycan millisinin Syerra Leone ilə oyun üçün heyəti
2-ci liqada fantastik hesab - 14:0!
“Mançester Yunayted” Tonali ilə danışıqlara başladı
Azərbaycanın U-17 millisi sonuncu oyununda da heç-heçə etdi
"Qarabağ" uşaqlara da jest etdi
UEFA-dan azərbaycanlı referiyə ilk baş hakim təyinatı
Tudor ən tez qovulan məşqçilər siyahısında
“Normal nəfəs ala bilmədiyimi başa düşdüm” - Luçesku
"Tottenhem"in yeni baş məşqçisi o olacaq
“Syerra Leone zəif rəqib deyil” – Rauf Əliyev
İran FİFA-ya müraciət etdi
Lukaku "Napoli"dən gedir
Azərbaycan – Syerra Leone matçının hakimləri açıqlandı
UEFA-dan Janna d’Ark cəzası! - Video
Bu mövsüm “Qarabağ”a uduzmuşdular - Baş məşqçini göndərdilər
Cermeyn Defo baş məşqçi təyin olundu
Mbappe azarkeşi mühafizəçinin əlindən aldı - Şəkillər
"Qarabağ" - "Sabah" matçının biletləri satışa çıxır
Millimizin rəqibi “FİFA Series”in qalibi ola bilmədi
Kolumbiya - Fransa matçında 4 qol
"Şamaxı”nın legioneri darmadağında iştirak etdi
“Quba”dan səfər qələbəsi - Video
Litva Gürcüstana məğlub oldu
Millətlər Kubokunun matç qaydalarına dəyişikliklər ediləcək
