Namikin komandası 1-ci liqanı qələbə ilə tərk etdi

Namikin komandası 1-ci liqanı qələbə ilə tərk etdi
XƏBƏR 22 May 2022 / 10:36 2004
-  A +

Millimizin futbolçusu Namik Ələskərovun çıxış etdiyi "Bursaspor" Türkiyə 1-ci liqasında sonuncu oyuna çıxıb.

Qol.az xəbər verir ki, 1-ci liqanı tərk edəcəyi ötən turdan dəqiqləşən komanda 38-ci turda "Menemenspor"u qəbul edib və 1:0 hesabı ilə qalib gəlib. N.Ələskərov sözügedən görüşdə iştirak etməyib. Matç öncəsi komandanın məşqinə qatılmayan oyunçunun adı qarşılaşmanın iştirak ərizəsində də yer almayıb.

Qeyd edək ki, "Bursaspor" turniri 44 xalla 19 komanda arasında 17-ci pillədə başa vurub. Bursa təmsilçisi növbəti mövsüm 2-ci liqada mübarizə aparacaq.

Xatırladaq ki, "Bursaspor"un prezidenti Ömer Furkan Banaz açıqlamasında əcnəbi futbolçularının hamısının müqaviləsinə xitam veriləcəyini bildirib.


Son xəbərlər
04.04.26  14:17

Kadidən 40-cı qol

topaz banner