Volkov 2022-ci ildə niyə qol vura bilmir? - Sadıqovun münasibəti

Volkov 2022-ci ildə niyə qol vura bilmir? - Sadıqovun münasibəti
XƏBƏR 9 Aprel 2022 / 20:12 2128
-  A +

“Zirə”nin baş məşqçisi Rəşad Sadıqov Premyer Liqamızıda bu mövsümün ən yaxşı bombardiri olan hücumçuları Davit Volkovun uzun müddətdir qol vura bilməməsinə münasibət bildirib.

Qol.az xəbər verir ki, gənc mütəxəssis “Sabah”la Premyer Liqanın 22-ci turunun bugünkü matçından (1:3) sonrakı mətbuat konfransında bununla bağlı suala cavab olaraq deyib: "O, ürəksiz oynamır. Çox yaxşı insandır. Həm insan, həm də futbolçu kimi xətrin çox istəyirəm. Həssasdır. Onunla dəfələrlə danışmışıq. Hiss olunur ki, təkliflərin olması, milliyə çağırılması, orada qol vurması və birdən-birə aparıcı üzvə çevrilməsi Volkova psixoloji təsir edib. Amma mənim üçün futbolçumun qol vurub-vurmaması göstərici deyil. Əsas onun meydandakı performansıdır. Volkov da son görüşlərdə, xüsusən “Neftçi” ilə ötən tur matçında çox yaxşı oyun keçirmişdi. Bu gün də qol imkanı oldu. Lakin hər dəfə də bu imkanlardan istifadə etmək olmur. Bu gün rəqibin bizdən yeganə üstünlüyü əlinə düşən fürsətlərdən istifadə etməsi idi".

Xatırladaq ki, hazırda 10 qolla Premyer Liqamızın bombardiri olan Volkov çempionatımızda son dəfə 2021-ci ilin dekabrın 5-də,  “Qəbələ” ilə matçda fərqlənib.


Son xəbərlər
topaz banner