“Bu, superliqa yox, “dəhşət liqası”dır” - Çeferin

“Bu, superliqa yox, “dəhşət liqası”dır” - Çeferin
XƏBƏR 12 Mart 2022 / 08:57 3427
-  A +

UEFA prezidenti Aleksander Çeferin növbəti dəfə Avropa Superliqası layihəsini tənqid edib.

Qol.az xəbər verir ki, o, İtaliyanın “Corriere Della Sera” nəşrinə müsahibəsində deyib:

 “Əgər onlar (“Real”, “Barselona”, “Yuventus” - red.) UEFA-nın inhisarçı olduğunü düşünürsə, o zaman bu üç klub öz birliklərini yaradıb orada oynasınlar. Niyə onlar burada - UEFA yarışlarında qalmalıdırlar? Amma onlar həm orada, həm də burada olmaq istəyirlər. Belə şey isə olmur. Bu, bir növ metafizikadır. Məncə, onlar yerin düz olduğunu düşünürlər”.

Çeferin onu da deyib ki, gəlin, bu yarışı superiqa adlandırmaqdan vaz keçək: “Bu, superliqa yox, “dəhşət liqası”dır. Bu üçlüklə problemimiz olsa belə, meydanda heç kim üstünlük əldə etməyəcək. Turnirlərimizdə sağlam rəqabət var”.

“Yuventus”un prezidenti Anyelli haqda suala isə qurum rəhbəri belə cavab verib: “UEFA və “Yuventus” fərqli təşkilatlardır. Bu adam haqqında daha heç nə deməyəcəyəm”.


Son xəbərlər
06.04.26  19:32

Olmadı, Əliyar!

topaz banner