Mourinyo dubl edən futbolçusuna buts alacaq

Mourinyo dubl edən futbolçusuna buts alacaq
XƏBƏR 22 Noyabr 2021 / 13:20 3045
-  A +

“Roma” İtaliya A seriyasının 13-cü turunda “Cenoa”nı 2:0 hesabıyla məğlub edib.

Qol.az xəbər verir ki, paytaxt təmsilçisinin baş məşqçisi Joze Mourinyonun oyunda dubl edən Feliks Afena-Qyana ilə görüşdən əvvəl şərti olub. Portuqaliyalı mütəxəssis bu barədə İtaliya mətbuatına açıqlamasında bildirib:

“Feliksə “Cenoa” ilə oyunda qol vurarsa, ona bahalı – 800 avroluq buts alacağıma söz vermişdim. Qoldan sonra yanıma gəldi və sözümü unutmamağımı dedi. Sabah ilk işim ona buts almaq olacaq”.
 
Qeyd edək ki, “Roma”nın əsas komandasında cəmi 3 oyuna çıxan 18 yaşlı Feliks “Cenoa” ilə səfər matçının 74-cü dəqiqəsində meydana buraxılıb. Gənc futbolçu 82 və 90+4-cü dəqiqələrdə vurduğu qollarla "Roma"ya qələbə qazandırıb.


Son xəbərlər
topaz banner