Millimiz DÇ-2022-nin ən zəifləri sırasında

Millimiz DÇ-2022-nin ən zəifləri sırasında
DÇ-2022 17 Noyabr 2021 / 12:14 2999
-  A +

UEFA DÇ-2022-nin Avropa zonası üzrə seçmə mərhələsinin qrup oyunlarından sonra statistik göstəriciləri açıqlayıb.

Qol.az qurumun saytına istinadən xəbər verir ki, A qrupunda 1 xalla sonuncu olan Azərbaycan millisi bir çox göstəricilərdə ən zəiflər sırasında yer alıb. Millimiz seçmə mərhələdə qələbə qazana bilməyən 6 komandadan biridir. Qalib gələ bilməyən digər yığmalar Qazaxıstan, San Marino, Cəbəllütariq, Moldova və Lixtenşteyndir.

Canni De Byazinin baş məşqçisi olduğu komanda 5 komandalı qruplarda ən çox uduzan üç komandadan biridir Yığmamız Belarus və Litva ilə yanaşı, keçirdiyi 8 matçın 7-də məğlub olub. 55 yığmadan yalnız Cəbəllütariq və San Marino bütün görüşlərdə uduzub Azərbaycan, Moldova və Lixtenşteyn isə 1 oyuna heç- heçə edə bilib.
 
Seçmə mərhələni 5 qolla tamamlayan yığmamız ən məhsuldar 50-ci komandadır. Futbolçularımız yalnız San Marino (1 qol), Lixtenşteyn (2), Litva (4), Kipr (4) və Cəbəllütariqi (4) qabaqlayır.
 
Millimizi çərçivəyə dəqiq zərbə sayında da ən zəiflər sırasındadır. Yığmamız 17 zərbə yerinə yetirib. Təkcə, San Marino (8), Lixtenşteyn (9) və Cəbəllütariq (10) bizdən az qol imkanı yaradıb.
 

Daha çox


Son xəbərlər