Ağdam işğal olunanda, təqdim etdiyimiz fotolardakı uşaqların çoxu heç dünyaya gəlməmişdi. Onları illər sonra Ağdamdan uzaqda, Bakıda ağdamsızlıq birləşdirdi. Eyni amal, eyni məqsəd uğrunda bir araya gəldilər.
Bir gün Ağdama qayıdacaqlarına əmin idilər. Bu əminlik hətta onların 2014-cü ildə bəstələdikləri mahnıda öz əksini tapdı.
7 il öncə ərsəyə gələn bəstədə deyilirdi: “O günlər gələcək yenə, səbir elə”...
Qol.az xəbər verir ki, bu birləşmə, bütövlük eyni zamanda təbliğat xarakteri də daşıyırdı.
Söhbət Ağdamın “Qarabağ” klubunun çılğın fanatlarından gedir. Onları bir araya gətirən dəyərin adı “İmarət”dir.

Bəlli olduğu kimi, “İmarət” “Qarabağ”ın Ağdamda işğala qədər ev oyunlarını keçirdiyi stadionun adı olub. 2009-cu ilin noyabrında yaradılan azarkeş qrupuna bu adın verilməsi də məhz həmin arenayla bağlıdır.
“İmarət”in tribunalarda səsləndirdiyi müxtəlif şüarlar var. Onlardan ən diqqət çəkənlərdən biri də, Azərbaycanın Milli Qəhrəmanı Allahverdi Bağırovla bağlıdır.
.jpg)
Allahverdi Bağırov döyüşçü olması ilə yanaşı, vaxtı ilə Ağdam klubunun həm futbolçusu, həm də baş məşqçisi olub. Bu ad “İmarət”çilər üçün çox doğmadır.
Döyüşçü ruhundan irəli gələrək, qarabağlı azarkeşlər özlərinə “Allehverdi Bağırovun əsgərləriyik” deyirlər. Bu səbəbdən “Qarabağ”ın hər oyununda “İmarət”in yer aldığı tribunada Allahverdi Bağırovun şəklini görmək mümkündür.
“İmarət”çilər əbəs yerə özlərinə “Allahverdi Bağırovun əsgərləriyik” demirlər. Bu vətənpərvərlik əməldə də təsdiqini tapıb. Belə ki, “İmarət” Vətən müharibəsində ən aktiv, ən fəal azarkeşlərindən biri Məhəmmədəli İbrahimlini şəhid verib. Bu o Məhəmmədəli idi ki, hər zaman “Qələbə sadəcə inamdır” deyirdi. İndi bu azarkeş qrupunun yer aldığı tribunada Allahverdi Bağırovla yanaşı, Məhəmmədəlinin də şəkli nümayiş olunur.
Vətən müharibəsində qazanılan qələbə həm də, illər sonra “İmarət”in “İmarət”inə qovuşmasına səbəb olub.
.jpg)
“Qarabağ”ın ən yaradıcı və aktiv azarkeş qrupu işğaldan azad olunandan sonra ilk dəfə doğma Ağdama ayaq basıblar. Onların ilk ziyarət etdikləri yer də Allahverdi Bağırovun məzarı, “İmarət” stadionu olub. Ağdamı gəzən gənclər, “İmarət”də futbol oynamağa da fürsət tapıblar. Beləcə, azarkeş qrupunun 12 yaşı anlamlı şəkildə qeyd edilib.
Onlar artıq Ağdamlı ağdamlılar, Qarabağlı qarabağlılardır. Bəstədə deyildiyi kimi - o gün gəldi - “İmarət” “İmarət”də!
Emin Səfərov
(Qafqazinfo.az)

Həm oyun nəticələri, həm maliyyə göstəriciləri pisləşir
Həftənin hakimləri açıqlandı
Xankəndidə vurulan qollar - Video
“Messiyə belə yox deyərdim”
38 ildən sonra doğma stadionuna qayıtdı
Bu gün Xankəndidə yaşananlar - Şəkillər
“Real”ın ən yaxşısı seçildi
Veteran futbolçu Xankəndi ilə bağlı xatirələrini bölüşdü
“Bu stadionda çox qollar vurmuşam” - Samir Ələkbərov
“Gələn mövsüm çempionluq üçün mübarizə aparacağıq” - Nəcəfov
Tarixi oyunda topa ilk toxunuşu şəhid övladı etdi - Şəkil
“Xankəndi” doğma stadionda ilk oyununa çıxdı
“Real” Tçuameni ilə müqaviləni uzatdı
Azərbaycan millisinin heyəti açıqlandı
Hakimə daş atan futbolçu 8 il futboldan uzaqlaşdırıldı
Kompani səhhətindəki problemlərdən sonra ilk dəfə danışdı
“Real”ın sabiq futbolçusu karyerasını başa vurdu
“Millimizə sürətli vingerlər lazımdır” – Mircavadov
"Sabah”ın futbolçusu məyusluğunu gizlətmədi
Millimizin üzvləri məktəblilərlə görüşdü - Şəkillər
PSJ-dən Markinyos qərarı
İnfantino gizli danışıqlar aparıb
Avropa Klublar İttifaqı UEFA-dan şikayət etdi
Kvaratsxeliya 2026-cı ilin adamı seçildi
"Real" pankarta görə cərimələndi
İtaliya klubu itlə müqavilə bağladı - Şəkil
Kloppun keçmiş köməkçisi baş məşqçi oldu
Avropa çempionatı: Daha 4 boksçumuz 1/4 finalda
Arda Güler “Real”la yeni müqaviləsindən danışdı
Cəzalı olsa da, millinin toplanışını yarımçıq qoymadı
İlin ən yaxşı klubuna namizədlər bilindi
Bellinqemin “Real”dan tələbləri var
Qvardiolanı ABŞ millisinə dəvət etdi
“Qarabağ” Qazaxıstan klubu ilə qarşılaşdı
Premyer Liqada hakimlər 6 səhv qərar verdi
“Arsenal” onların müqaviləsini yeniləyir
“Mançester Yunayted” FİFA-ya şikayət etməyə hazırlaşır
Kompani yenidən iş başında
“Qalatasaray” azarkeşlərə təzminat ödəyə bilər
DÇ-2030-da məcburi su fasilələri olacaq?