22:12
"Bu yay hazır idik, köklənmişdik və yaxşı dinamika göstərirdik. Əlbəttə, AVRO-2020-nin təxirə salınması neqativ hadisə oldu".
Qol.az xəbər verir ki, bunu Uels milli komandasının baş məşqçisi Rayan Giqqz BBC-yə açıqlamasında deyib.
47 yaşlı uelsli mütəxəssisin sözlərinə görə, qitə çempionatının final mərhələsinin 2021-ci ilə ertələnməsi rəhbərlik etdiyi komandanın planlarını açıq-aşkar pozub: "Hazırlıq prosesimizin bir hissəsi kimi oyunlarımızın keçiriləcəyi Bakı və Roma şəhərlərinə yollanmış, hər şeyi yerindəcə yoxlamışdım. Eyni şeyi gələn il də təkrarlamalı olacağıq. Hər zaman pozitiv yanaşmaların tərəfdarıyam. Co Allen və Devid Bruksun zədədən qayıdaraq, gələn ilədək tam hazır olacaqlarına, gənc futbolçuların isə daha çox təcrübə toplayacaqlarına əminəm. Bütün futbolçularla, xüsusən, zədədən qayıdanlarla daim əlaqə saxlayıram".
Giqqz koronavirus pandemiyası ilə əlaqədar evdə olduğu müddətdə idman kanallarını və Uels yığmasının əvvəlki oyunlarını izlədiyini bildirib. Onun xüsusən, Azərbaycan millisi ilə də eyni qrupda yer aldıqları AVRO-2004-ün seçmə mərhələ qarşılaşmalarına diqqət çəkməsi maraq doğurur. Rayan həmin vaxt özünün futbolçu kimi çıxışını seyr etdiyini vurğulayıb. Sabiq yarımmüdafiəçi 2002-ci il oktyabrın 16-da İtaliya üzərində qazandıqları 2:1 hesablı qələbəni fərqləndirib. Bu yerdə bildirək ki, millimiz həmin tsikldə Uelsə Bakıda 0:2, Kardiffdə 0:4 hesabıyla uduzub .Giqqz "Millenium"dakı matçda vurduğu qolla 52-ci dəqiqədə son nöqtəni qoyub.
Qeyd edək edək ki, AVRO-2020-də Uelsin A qrupunda İsveçrə və Türkiyə ilə oyunları Bakıda, İtaliya ilə qarşılaşması isə Romada keçirilməlidir.
"Tottenhem"də qalır
Hökumətdən sərt addım - DÇ-2026 matçlarını izləməyəcəklər
"Şamaxı"da baş məşqçinin köməkçiləri müəyyənləşdi
Rosenior Fransadan gələn təklifi rədd etdi
Prezident milliyə müraciət etdi
"Elçe" yeni baş məşqçisini açıqladı
Premyer Liqada saç çəkməyə görə cəza qaydası dəyişir
"Ançelottinin bütün sirlərini bilirəm"
Yuri Vernidubdan mundial proqnozları: "Fransa yığması.."
İngiltərə yığmasının oğurlanan əşyalarından xəbər var
Dünya çempionatları tarixinə düşdü
4 ildən sonra klubdan getdi
Millinin qapıçılarından fərqli məşq üsulu
"Real"ın əfsanələri "İnter"i məğlub etdi
Bu dəfə mundial hakimi ilk matçını buraxacaq
"Mançester Yunayted" onları hədəfə aldı
Dünya çempionu vəfat etdi
Levandovski MLS klubu üçün ABŞ-a yollandı
Artetanın Yıldız xəyalı
Artıq o da ABŞ-dadır - Video
DÇ-2026-nın ilk ən bolqollu qarşılaşması - Video
Dünya Çempionatı 2026
Xəbərlər
Təqvim
Cədvəl