ŞOK: Dünya çempionu qrup sonuncusu oldu və mundialla vidalaşdı

Cənubi Afrika Respublikasında təşkil olunan futbol üzrə 19-cu dünya çempionatında daha bir oyun günü arxada qalıb. Qol.Az-ın məlumatına görə, mundialın 14-cü günündə də 4 qarşılaşma baş tutub. Həmin oyunlarla DÇ-nin F və E qruplarında da iştirakçı komandaların taleyinə tam şəkildə aydınlıq gəlib.
Öncə F qrupunda yer alan komandalar öz aralarındakı münasibətlərə aydınlıq gətiriblər ki, son dünya çempionu İtaliya sensasiyalı şəkildə qrupda qalmaq aqibətiylə üzləşib. “Skuadra adzurra” qrupun autsayderi Slovakiya ilə oyunda məğlub olsa, çıxışını dayandırmalı olacaqsı. Ona görə də, italiyalılara növbəti mərhələyə yüksəlmək üçün mütləq qələbə qazanmaq lazım idi. Düzdü, onlara heç-heçə də sərf edirdi. Lakin gərgin və maraqlı idman mübarizəsi şəraitində keçən qarşılaşmada italiyalılar çox çalışsa da, heç-heçə də edə bilməyiblər və nəticədə mundialla vidalaşıblar. Paraqvay - Yeni Zelandiya qarşılaşmasında isə tərəflər hesabı aça bilməyib. Nəticədə cənubi cənubi amerikalılar qrup lideri, Slovakiya isə qrup ikincisi kimi növbəti mərhələyə yüksəlib. Biabırçı çıxışla yadda qalan son dünya çempionu İtaliya qrup sonuncusu, 3-cü yerlə kifayətlənən Yeni Zelandiya isə DÇ ilə vidalaşıb.
E qrupunda Hollandiya vaxtından əvvəl 1/8 finala vəsiqəni rəsmiləşdirdiyindən, onların artıq ötən tur mundiala əlvida deyən Kamerun millisiylə oyununun heç bir əhəmiyyəti qalmamışdı. Lakin “narıncılar” növbəti qələbəsini qazanmaqla, qrupdan lider kimi 1/8-ə yüksəldilər. Güman ki, onlar bununla daha ideal rəqib olan digər qrupun ikincisi Slovakiya ilə qarşılaşmaq üçün buna daha çox can atırdı. Bu qrupdakı əsas mübarizə isə Danimarka ilə Yaponiya arasında gedirdi ki, artıq ilk yarıda üstünlüyünü hesabda əks etdirən yaponlar növbəti vəsiqəyə sahib çıxıblar. Digər iki yığma DÇ-dəki çıxışını yekunlaşdırarkən, Hollandiya 1/8-də Slovakiya, Yaponiya isə Paraqvay ilə qarşılaşmaq hüququna yiyələnib.

24 iyun

E qrupu

23:30. Danimarka - Yaponiya - 1:3

QOL: Honda, 17 (0:1). Endo, 30 (0:2). Tomasson, 81 (1:2). Okazaki, 88 (1:3)
Rustenburq. Royal Bafokenq stadionu
Baş hakim: Jerom Deymon (CAR)
DANİMARKA: Sorensen, Yakobsen, Kroldrup (Larsen, 56), Agger, S.B.Poulsen, Yorgensen (Y.Poulsen, 34), Kalenberq (Eriksen, 63), K.Poulsen, Romedal, Bendtner, Tomasson (k).
YAPONİYA: Kavasima, Naqatomo, Nakazava, Tulio, Komano, Abe, Matsuy (Okazaki, 74), Endo (İnamoto, 90+1), Okubo, Honda, Hasebe (k).

23:30. Kamerun - Hollandiya - 1:2

QOL: Van Persi, 36 (0:1). Eto`o, 65 (1:1). Huntelar, 84 (1:2).
Keyptaun. Qrin Point stadionu
Baş hakim: Pablo Pozo (Çili)
KAMERUN: Hamidu, Assu-Ekotto, Nkulu (Sonq, 73), Bonq (Abubakar, 56), Mbia, Bilonq, Ngemo, Ceremi, Makun, Eto`o, Çupo-Motinq (İdrissu, 72).
HOLLANDİYA: Stekelenburq, Bilahruz, Heytinqa, Mateysen, Van Bronkhorst, Van Bommel, Kyut (Elia, 67), Şneyder, Van der Vaart (Robben, 73), Van Persi (Huntelar, 59), Yonq.

F qrupu

19:00. Slovakiya - İtaliya - 3:2

QOL: Vittek, 26 (1:0). Vittek, 73 (2:0). Di Natale, 81 (2:1). Kopunek, 89 (3:1). Kvalyarella, 90+2 (3:2).
Yohannesburq. Ellis Park stadionu
Baş hakim: Hovard Uebb (İngiltərə)
SLOVAKİYA: Muxa, Pekarik, Şkrtel, Drutsa, Ştok, Ştrba (Kopunek, 87), Hamşik (k), Vittek (Şestak, 90+3), Kuçka, Jendrisek (Petras, 90+4), Zabavnik.
İTALİYA: Marketti, Zambrotta, Kannavaro (k), Kyellini, Krişito (Maggio, 46), Qattuzo (Kvalyarella, 46), De Rossi, Montolivo (Pirlo, 56), Yakinta, Pepe, Di Natale.

19:00. Paraqvay – Yeni Zelandiya - 0:0

Polokueyn. Peter Mokaba stadionu
Baş hakim: Yuiçi Nişimura (Yaponiya)
PARAQVAY: Vilyar, Da Silva, Morel, Vera, J.Kaseres, Riveros, Santa Kruz, Valdes (Benites, 66), Kanisa (k), V.Kaseres, Kardoso (Barrios, 66).
YENİ ZELANDİYA: Paston, Reyd, Nelsen (k), Smit, Bertos, Vişeliç, Elliot, Loçhed, Killen (Brokye, 79), Semlts, Fallon (Vud, 69).