İngiltərənin 1/8 finaldakı rəqibi Almaniya, ABŞ-ın rəqibi isə Qana oldu

Bu gün Cənubi Afrika Respublikasında təşkil olunan futbol üzrə 19-cu dünya çempionatında növbəti oyunlar keçirilib. Qol.Az-ın məlumatına görə, mundialın 13-cü günündə də 4 qarşılaşma baş tutub. Həmin oyunlarla DÇ-nin C və D qruplarının da taleyinə tam şəkildə aydınlıq gəlib.
Öncə C qrupunda azarkeşlərin daha maraqla gözlədiyi İngiltərə millisinin taleyinə aydınlıq gəlib. Onlar qrupdan çıxmaq üçün mütləq lider Sloveniyaya qalib gəlməli idi ki, Kapellonun komandası bunun öhdəsindən gəlməyi bacarıb – 1:0. Digər cütdə isə ABŞ yalnız artırma dəqiqələrində vurduğu qolla azarkeşlərinə böyük sevinc yaşadıb. Nəticədə çoxlarının növbəti mərhələyə çıxacağına ümid bəslədiyi Sloveniya və sonuncu pillədə qərarlaşan Əlcəzair qrupda qaldığı halda, amerikalılar qrup qalibi, ingilislər isə qrup ikincisi kimi 1/8 finala vəsiqə qazanıb.
D qrupunda isə İngiltərə kimi qrupda qalmaq təhlükəsi olan Almaniya da minimal hesablı qələbə qazanmaqla sensasiyaya imkan vermədi. Özilin yeganə qolu sayəsində xallarının sayını altıya çatdıran almanlar qrup qalibi kimi 1/8 finala yüksəlib. Digər qarşılaşmada isə Serbiyanın qələbə qazanacağı proqnozlaşdırılsa da, bu baş verməyib. Əksinə avstraliyalılar qələbə qazanmaqla, avropalıların növbəti mərhələyə yolunu kəsiblər. Lakin 1/8-ə Avstraliya yox, almanlara uduzmasına rəğmən, daha yaxşı top fərqinə malik Qana millisi çıxıb.
Qeyd edək ki, D qrupunun qalibi Almaniyanı 1/8-də əzəli rəqibi İngiltərə, Qananı isə həmin qrupun birincisi ABŞ-la duel gözləyir. Sloveniya, Əlcəzair, Avstraliya və Serbiya isə DÇ-ki çıxışını başa vurmaq məcburiyyətində qalıb.

23 iyun

D qrupu

23:30. Qana – Almaniya - 0:1

QOL: Özil, 60 (0:1)
Yohannesburq. Sokker Siti stadionu
Baş hakim: Karlos Simon (Braziliya)
QANA: Kinqston, Mensa, Peyntsil, Mensa, Q.Asamoa (Amoa, 82), Sarpey, Annan, Eyu (Adia, 90), Taqo (Muntari, 64), K.Asamoa, Boatenq.
ALMANİYA: Noyer, Özil, Lam, Şvaynştayger (Krus, 81), Mertezaker, Xedira, Fridrix, Müller (Traxovski, 68), Podolski, Boatenq (Yansen, 73), Kakau.

23:30. Avstraliya – Serbiya - 2:1

QOL: Keyhil, 69 (1:0). Holman, 73 (2:0). Panteliç, 84 (2:1)
Nelspreyt. Mbombela stadionu
Baş hakim: Xorxe Larionda (Uruqvay)
AVSTRALİYA: Şvartser, Neyl, Bikamp, Uilkşir (Qarsiya, 82), Valeri (Çipperfild, 66), Emerton, Keyhil, Kulina, Kennedi, Breşiano (Holman, 66).
SERBİYA: Stoykoviç, Vidiç, İvanoviç, Kraşiç (Toşiç, 62), Obradoviç, Lukoviç, Yovanoviç, Stankoviç, Kuzmanoviç (Lazoviç, 78), Ninkoviç, Jiqiç (Panteliç, 67).

C qrupu

19:00. Sloveniya – İngiltərə - 0:1

QOL: Defo, 23 (0:1).
Port Elizabet. Nelson Mandela stadionu
Baş hakim: Volfqanq Ştark (Almaniya)
SLOVENİYA: Handanoviç, Breçko, Şuler, Sezar, Koren (k), Lyubyankiç (Dediç, 62), Birsa, Radoslavyeviç, Kirm (Matavs, 79), Yokiç, Novakoviç.
İNGİLTƏRƏ: Ceyms, Conson, E.Koul, Cerard (k), Terri, Lempard, Berri, Defo (Heski, 86), Runi (Co Koul, 72), Milner, Apson

19:00. ABŞ – Əlcəzair - 1:0

QOL: Donovan, 90 (1:0).
QIRMIZI VƏRƏQƏ: Yahya, 90.
Pretoriya. Loftus Versfeld stadionu
Baş hakim: Frank de Blekere (Belçika)
ABŞ: Hovard, Bokaneqra (k), Bredli, Çerundolo, Dempsi, Qomes (Feylaber, 46), Donovan, Bernsteyn (Bisli, 81), Demerit, Altidor, Edu (Budl, 64).
ƏLCƏZAİR: Mboli, Bouqerra, Belhac, Yahya (k), Halliş, Lasen, Cebur (Gezal, 66), Matmur (Saifi, 86), Ziani (Quiedura, 69), Yebda, Kadir.