Hollandiya ilk 1/8 finalçı oldu, Kamerun növbəti mərhələ şanslarını itirdi

Cənubi Afrika Respublikasında təşkil olunan dünya çempionatında növbəti gün arxada qalıb. Qol.Az-ın məlumatına görə, keçirilən növbəti üç oyunla 9-cu oyun gününə yekun vurulub.
Günün ilk qarşılaşmasında birinci turu qələbə ilə başa vuran Hollandiya və Yaponiya yığmaları üz-üzə gəlib. Bu oyunda qələbə qazanan tərəf 1/8 finala vəsiqəni təmin edəcəkdi. Amma bunun üçün E qrupunun digər oyununda mundiala məğlubiyyətlə başlayan komandaların - Kamerunla Danimarka yığması arasındakı matçın heç-heçə nəticələnməsi və ya Kamerunun məğlubiyyəti vacib idi. Qaliblərin duelindən gözlənildiyi kimi, hollandlar qalib çıxdı. Qrupun digər oyununda afrikalılar məğlub olduğundan “narıncılar” vaxtından əvvəl növbəti mərhələyə vəsiqə qazanan ilk komanda olub.
Avropa təmsilçisinin Kamerun millisi üzərində əzmkar qələbəsi yalnız hollandların vaxtından əvvəl sevinməsi ilə yadda qalmayıb. Bu mənada daha diqqətçəkən məqam Kamerunun ikinci oyunda da uduzmaqla növbəti mərhələyə çıxmaq şanslarını tam itirməsi olub. Çünki onlar qrupdan çıxmaq vəzifəsinin öhdəsindən gələn hollandlarla dueldə hətta qələbə qazansalar belə, bu heç nəyi dəyişməyəcək. Çünki digər vəsiqə sadəcə Yaponiya ilə Danimarka arasındakı qarşılaşmada sahibini tapacaq.
D qrupunda isə Serbiyanı üstələyən (1:0) Qana millisi ilk oyunda Almaniya tərəfindən darmadağın edilən Avstraliya ilə qarşılaşdı. Bu qarşılaşmada avstriyalılar qələbə qazansaydı, qrupdakı bütün komandaların 3 xalı olacaqdı. Onlar erkən qolla buna doğru ilk addımı atsalar da, davamını gətirə bilməyiblər. Daha doğrusu görüşün 24-cü dəqiqəsində “Qalatasaray”dan tanıdığımız Kyuelin cərimə meydançasında əllə oynayaraq penaltiyə səbəb olması və buna görə birbaşa qırmızı vərəqə alaraq komandasını azlıqda qoyması qanalıların hesabı bərabərləşdirməsi ilə nəticələnib. Bu qrupda hər şey son turun oyunlarından sonra müəyyənləşəcək.

19 iyun

23:30. Kamerun - Danimarka - 1:2

QOLLAR: Eto`O, 10 (1:0). Bendtner, 33 (1:1). Romedal, 61 (1:2)
Pretoriya. Loftus Versfeld stadionu
Baş hakim: Xorxe Larrionda (Uruqvay)
KAMERUN: Süleymanu, Assu-Ekotto, Nkulu, Bassonq (İdrisu, 73), Sonq, Njitap, Eto’O (k), Emana, Vebo (Abubakir, 79), Eyonq (Makun, 46), Mbia.
DANİMARKA: Sorensen, K.Poulsen, Kayer, Aqqer, Yakobsen, Qronkayer (Kahlenberq, 67), Tomasson (k) (Y.Poulsen, 86), Yorgensen (Yensen, 46), Bendtner, S.B.Poulsen, Romedal.

E qrupu

16:30. Hollandiya - Yaponiya - 1:0

QOL: Şneyder 52.
Durban. Şəhər stadionu
Baş hakim: Ektor Baldassi (Argentina)
HOLLANDİYA: Stekelenburq, Van der Vil, Heytinqa, Mateysen, van Bronkhorst, van Bommel, Kyut, de Yonq, van Persi, Şneyder, Van der Vart.
YAPONİYA: Kavasima, Abe, Komano, Tulio, Naqamoto, Endo, Matsuy, Okubo, Xasebe, Xonda, Makazava.

1. Hollandiya   2          2          0          0          3-0       6

2. Yaponiya     2          1          0          1          1-1       3

3. Danimarka   2          1          0          1          2-3       3

4. Kamerun     2          0          0          2          1-3       0

D qrupu

19:00. Qana - Avstraliya - 1:1

QOLLAR: Holman, 12 (0:1). Q.Asamoa, 25-p (1:1)
QIRMIZI VƏRƏQƏ: Kyuel, 24.
Rustenburq. Royal Bafokenq stadionu
Baş hakim: Roberto Rozetti (İtaliya)
QANA: Kinqston (k), Sarpey, Q.Asamoa, Peyntsil, Annan, Mensa, Taqoe (Abeyie, 56), Eyu, Eddi, K.Asamoa (Muntari, 77), Boatenq.
AVSTRALİYA: Şvartser, Neyl (k), Kulina, Mur, Emerton, Uilkşir (Rukavitsa, 85), Kyuell, Holman (Kennedi, 69), Valeri, Kerni, Breşiano (Çipperfild, 66).

1. Qana           2          1          1          0          2-1       4

2. Almaniya     2          1          0          1          4-1       3

3. Serbiya        2          1          0          1          1-1       3

4. Avtraliya      2          0          1          1          1-5       1