Mundialda ilk het-trik, Fransa və Nigeriya uduzdu

Bu gün Cənubi Afrika Respublikasında təşkil olunan futbol üzrə 19-cu dünya çempionatında növbəti oyunlar keçirilib. Qol.Az-ın məlumatına görə, mundialın yeddinci günündə də 3 qarşılaşma baş tutub.
Qeyd edək ki, A və B qruplarında ikinci tur çərçivəsində baş tutan oyunlardan sonra dünya çempionatının ilk 1/8 finalçısı məlum ola bilərdi. Keçiriləcək oyunların nəticələrindən asılı olaraq, Argentina və ya Cənubi Koreya növbəti mərhələyə vəsiqəni təmin etmək imkanına malik idi. Lakin bu baş vermədi. Düzdü, Argentina Cənubi Koreya ilə öz aralarında keçirilən görüşdə inamlı qələbə qazansa da, digər oyunun nəticəsi son görüşün onlar üçün formallığa çevrilməsinə imkan verməyib. İlk turda minimal hesablı qələbə ilə kifayətlənən Maradonanın komandası bu dəfə prinsipial əhəmiyyətli görüşdə koreyalılara əsl gücünü göstərib. Öncə rəqibin öz qapısına vurduğu qola sevinən argentinalılar ardından İquaynın sayəsində böyükhesablı qələbə qazanıb. Yeri gəlmişkən, İquaynın bu mundialda ilk het-trikin müəllifinə çevrildiyini də vurğulayaq.
Bu qələbədən sonra Argentinanın 1/8-ə vəsiqəni təmin etməsi üçün onlara Yunanıstanın xal itirməsi lazım idi. Məsələ burasındadı ki, Nigeriya yunanlara uduzmasaydı, cənubi amerikalılar qrupdan çıxmaq vəzifəsinin öhdəsindən gəlmiş olacaqdı. Gəl ki, autsayderlərin duelində hesabı afrikalılar açsa da, azlıqda qalmaları nəticəsində sonda nəinki bu üstünlüyü əldən veriblər, hətta məğlubiyyətlə barışıblar. Bu nəticələrdən sonra hazırda B qrupunda bütün komandaların 1/8 final şansları qalmaqdadı. Yəni hər şeyə son turda aydınlıq gələcək.
Günün son matçında isə Fransa daha bir biabırçı oyun sərgiləməklə yanaşı, acı məğlubiyyətlə üzləşdi. Meksikaya 2 cavabsız qolla yenilən fransızlar rəqib komandanı 1/8 finala bir qədər də yaxınlaşdırdılar. Domenekin komandası isə yalnız möcüzə sayəsində növbəti mərhələyə çıxa bilər.

17 iyun

A qrupu
2-ci tur

23:30. Fransa – Meksika - 0:2

QOLLAR: Ernandes, 64 (0:1). Blanko, 79-p. (0:2).  
Polokvane. Peter Mokaba stadionu
Baş hakim: Xəlil Əl Qəmdi (Səudiyyə Ərəbistanı)
FRANSA: Loris, Sanya, Qallas, Abidal, Riberi, Qovu (Valbuena, 69), Evra (k), Tulalan, Diabi, Anelka (Pyer Gignak, 46), Maluda.
MEKSİKA: Peres, Rodriqes, Markes (k), Salsido, Osorio, Torrado, Franko (Blanko, 62), Vela (Barrera, 32), Moreno, Xuares (Ernandes, 55), Dos Santos.

1. Uruqvay       2          1          1          0          3-0       4

2. Meksika       2          1          1          0          3-1       4

3. Fransa          2          0          1          1          0-2       1

4. CAR            2          0          1          1          1-4       1

B qrupu
2-ci tur

19:00. Yunanıstan – Nigeriya - 2:1

Qollar: Uçe, 16 (0:1). Salpingidis,44 (1:1). Torosidis, 71 (2:1).
Blumfonten. Fri Steyt stadionu
Baş hakim: Oskar Ruis (Kolumbiya)
YUNANISTAN: Tsorvas, Tsiolis, Papadopulos, Karaqunis (k), Vintra, Salpingidis, Torosidis, Kirgiakos, Gekas, Sokratis, Katsuranis.
NİGERİYA: Enyeama, Yobo (k), Şittu, Tayvo, Yakubu, Odemvinçi, Uçe, Kayta, Haruna, Odia, Etuhu.

Qırmızı vərəqə: Kaita (33, Nigeriya)

16:30. Argentina – Cənubi Koreya - 4:1

QOLLAR: Çu Yunq, 17 - avtoqol (1:0). İquayn, 33 (2:0). Çunq Yonq, 45+1 (2:1). İquayn, 77 (3:1). İquayn, 80 (4:1)
Yohannesburq. Sokker Siti stadionu
Baş hakim: Frank de Blekere (Belçika)
ARGENTİNA: Romero, Demişelis, Di Mariya, Hayntse, İquayn (Bolatti, 82), Messi, Samuel (Burdisso, 23), Maskerano (k), M.Rodriqes, Yonas, Teves (Aquero, 75).
CƏNUBİ KOREYA: Sunq Ryonq, Beom Seok, Yonq Hyunq, P.C.Sunq (k), Yunq Vu, Çu Yunq (Donq Quk, 81), Yunq Pyo, Yunq Su, Sunq Yonq (Nam İl, 46), Çunq Yonq, Ki Hun.

1. Argentina     2          2          0          0          5-1       6

2. C. Koreya   2          1          0          1          3-4       3

3. Yunanıstan   2          1          0          1          2-3       3

4. Nigeriya       2          0          0          2          1-3       0