İspaniya şokda, Forlandan ilk dubl, CAR üçün 3 cavabsız qol

Bu gün Cənubi Afrika Respublikasında təşkil olunan futbol üzrə 19-cu dünya çempionatında növbəti oyunlar keçirilib. Qol.Az-ın məlumatına görə, mundialın altıncı günündə də 3 qarşılaşma baş tutub. Həmin oyunlarla DÇ-nin sonuncu – H qrupunda da ilk turun oyunlarına yekun vurulub. Belə ki, hazırkı mundialda artıq oyununu görmədiyimiz komanda qalmadı. Çili millisi ilk oyununda Hondurasa minimal hesabla qalib gəlib. DÇ-nin favorite İspaniya isə sensasiyalı şəkildə İsveçrə yığmasına məğlub olub. H qrupunun oyunlarına yekun vurulandan sonra isə A qrupu təmsilçiləri növbəti – ikinci turun oyunlarına çıxiblar. Meydan sahibləri - Cənubi Afrika Respublikasının millisi Uruqvayla dueldə məğlubiyyətdən yaxa qurtara bilməyib. Bu oyunda mundialın ilk dublu da rəsmiləşib. Buna isə daha çox meydan sahiblərinin qapıçısı Kunenin matçın sonlarında kobud oyuna görə meydandan qovulması və penaltiyə səbəb olması şərait yaradıb. Nəticədə ilk qolun müəllifi Forlan daha bir qol vurmaqla mundialın ilk dublunu rəsmiləşdirib və bombardirlər yarışında önə keçib.

16 iyun

A qrupu
2-ci tur

23:30. CAR – Uruqvay 0:3

QIRMIZI VƏRƏQƏ: Kune, 77.
QOL: Forlan, 24 (0:1). Forlan, 80-p. (0:2). A.Pereyra, 90+5 (0:3).
Pretoriya. Loftus Versfeld stadionu
Baş hakim: Massimo Buzakka (İsveçrə)
CAR: Kune, Qaksa, Mokoena (k), Masilela, Şabalala, Mpela, Pienaar, Modise, Letxolonyane (Morire, 57), Xumalo, Dikqacoi.
URUQVAY: Muslera, Luqano (k), Qodin, Fusile (A.Fernandes, 70), Kavani (S.Fernandes, 89), Suares, Forlan, A.Pereyra, M.Pereyra, Peres (Qarqano, 90), Rios.

H qrupu
1-ci tur

19:00. İspaniya – İsveçrə - 0:1

Durban. Şəhər stadionu
Baş hakim: Hovard Uebb (İngiltərə)
İSPANİYA: Kasilyas (k), Pike, Puyol, İnyesta, Vilya, Xavi, Kapdevilya, Alonso, Ramos, Serxio, Silva.
İSVEÇRƏ: Benaqlyo, Lixşteyner, Senderos, Huggel, Barnetta, G.İnlər (k), Nkufo, Qriştinq, Fernandes, Ziqler, Derdiyok.

Qol: Fernandes (52)

16:30. Honduras – Çili - 0:1

QOL: Beausejour, 35 (0:1).
Nelspreyt. Mbombela stadionu
Baş hakim: Edi Mayllet (Seyşel adaları).
HONDURAS: Valladares, Çaves, Fiqueroa, Nunes (Martines, 78), V.Palasios, Pavon (Velkom, 60), Espinoza, Alvares, Quevarra (k) (Tomas, 64), İzaquirre, Mendosa.
ÇILI: Bravo (k), Ponse, İsla, Karmona, Sançes, Vidal (Kontreras, 81), Valdivia (Qonsales, 87), Fernandes, Beausejour, Medel, Millar (Jara, 52).