Dünya çempionatları tarixinin rekordları

Dünya çempionatları tarixində bir-birindən maraqlı rekordlara imza atılır. Qol.Az saytı indiyədək keçirilən dünya çempionatlarında qeydə alınan 20 rekordu təqdim edir.
Dünya çempionatları tarixində ən gənc yaşında qol vuran oyunçu Pele olub. Brazilyalı futbolçu 1958-ci ildə 17 yaşında Uelsə qol vurub.
Ən tezi qola 2002-ci il dünya çempionatında matçın 11-ci saniyəsində Türkiyənin Cənubi Koreyanı 3:2 məğlub etdiyi oyunda Hakan Şükür imza atıb.
Bir komanda ilə daha çox kubok qazanan məşqçi İtaliyanın baş məşqçisi Vittorio Pozzo olub. O, 1934 və 1938-ci illərdə ardıcıl olaraq iki dəfə kuboku başı üzərinə qaldırıb.
Kuboklar tarixinin ilk qolunu 1930-cu ildə fransız futbolçu Lusien Laurent Meksikanın 4:1 məğlub edildiyi matçda rəqib qapısından keçirib.
Final matçlarında ən çox qol vuran futbolçu ingiltərəli Hurstdur. Bu ölkədə düzənlənən dünya çempionatında Almaniyanın 4:2 məğlub edildiyi oyunda qolun 3-nü o vurub.
Bir çempionatda rəqib qapılarından ən çox qol keçirən oyunçu fransalı Cust Fontainedir. O, 1958-ci ildə İsveçrədəki mundialda 13 qola imza atıb.
Ən sox sarı vərəqənin göstərildiyi matç 2006-cı ildə oynanılıb. 16 sarı və 4 qırmızı vərəqənin çıxarıldığı bu oyunda Portuqaliya Holandiyanı 1:0 məğlub edib.
Çempionatlar tarixində ən çox qol 1998-ci ildə Fransada təşkil edilən mundialda vurulub. Bu yarışmada millilər tərəfindən 171 qola imza atılıb.
Final matçlarında ən çox qola imza atın komanda Brazilya millisidir. 1958-ci ildə keçiriliən final matçında Brazilya İsveçi 5:2 məğlub edib.
Dünya çempionatlarında ən az qol buraxaraq çempion olan komanda  İtaliya qapısından 2 qol buraxaraq ən yüksək zirvəyə qalxıb.
İtaliya ilə yanaşı çempion olaraq qapısında ən az qol görən komandalardan biri də Fransadır. 1998-ci ildə bu ölkədə keçirilən dünya çempionatında Fransa qapısından 2 qol buraxıb.
Ən çox çempionluq qazanan futbolçu Peledir. Brazilyalı futbolçu komandası ilə 1958, 1962 və 1970-ci illərdə çempion olub.
Dünya çempionatlar tarixində daha çox qol vuran futbolçu yenə bir brazilyalı futbolçu Ronaldodur. Ümumilikdə rəqib qapılarından 15 qol keçirən futbolçu 1998-ci ildə 4, 2002-də 8, 2006-da isə 3 qola imza atıb.
Dino Zoff ömrünün ən yaşlı çağında çempion olan oyunçudur. İtaliyalı futbolçu 1982-ci ildə 40 yaşında çempion olub.
Bir oyunda ən çox qolu rusiyalı Oleq Salenko vurub. 1994-cü ildə Rusiyanın Kamerunu 6:1 məğlub etdiyi matçda Salenko 5 qolun müəllifi olub.
Dünya çempionatlarında daha çox Brazilya – 5 dəfə çempionluq sevinci yaşayıb.
Üst-üstə ən çox matç qazanan milli də Brazilyadır. Bu komanda dünya çempionatlarında ardıcıl olaraq 11 matçda meydanı qalib tərk edib.
Daha çox final matçı oynayan futbolçu da brazilyalı Kafudur. O, 1994, 1998 və 2002-ci illərdəki final matçlarında meydanda olub. Qeyd edək ki, Pele zədəli olduğu üçün 1962-ci il final matçında forma geyməyib.
Fərqli komandalarla daha çox dünya çempionatlarına qatılan baş məşqçi isə Boro Milutinoviç olub. O, 5 dəfə 1986-da Meksika, 1990-da Kosta Rika, 1994-ə ABŞ, 1998-ci ildə Nigeriya və 2002-ci ildə Çinin baş məşqçisi olaraq dünya çempionatlarında iştirak edib.