“Neftçi”nin və Makedoniya millisinin sabiq futbolçusu İqor Mitreski Rusiyanın “Sovetski sport” qəzetinə müsahibə verib.
Qol.az müsahibəni ixtisarla təqdim edir.
- Hazırda nə işlə məşğulsunuz?
- Mən Balkan ölkələri üzrə skautam. Demək olar ki, işdən daha çox istirahət edirəm. Zarafatdır. Amma prisipcə burda ölkələr bir-birinə yaxındır. Makedoniya, Albaniya, Xorvatiya, Serbiya... Dostum Marko Trabukkiyə istidadların axtarışında kömək edirəm. Makedoniya millisində qalmaq variantı da var. Ora gənc və yeniyetmələrdən ibarət komandaya futbolçu seçə bilərəm.
- Klublarla əməkdaşlıq edirsiniz?
- Makedoniyada “Vardar”, “Şkendiya” və Almaniyada bir neçə klubla işgüzar münasibətlərim var.
- Nə üçün skaut oldunuz?
- Bakıda dörd il oynadıqdan sonra qərara gəldim ki, karyeramı bitirib istirahət edim. İndi yavaş-yavaş işləməyə başlayıram. Axı mənim üç övladım, həyat yoldaşım var. Özüm isə 20 ilə yaxın xaricdə oynamışam. İndi vaxtımı daha çox ailəmə həsr etmək istəyirəm.
- Skautun işində ən çətin olan nədir?
- Dərhal qərar verməmək. Bəziləri bir oyuna baxan kimi, deyirlər bu yaxşı və ya pis oyunçudur. Belə olmaz. Bir oyunçunu 5-6 dəfə, hətta daha çox izləmək lazımdır.
- Əgər sizə Avropadan müraciət etsəydilər, onlara Rusiyadan hansı futbolçunu təklif edərsiniz?
- İstedadlı oyunçular var. “Spartak”da yaxşı gənclər toplaşıb. Amma birmənalı nəsə deyə bilmərəm. Səmədovun oyunu xoşuma gəlir. Baxmayaraq ki, onun artıq 30 yaşı var.
- Məşqçi olmaq fikriniz var?
- Mənə görə deyil. Özümü bu sahədə görmürəm.
- İyunda belə məlumat yayıldı ki, “Spartak”ın seleksioner-məşqçisi ola bilərsiniz. Doğrudur?
- Belə söhbət var idi, amma alınmadı.
"Qarabağ"ın "Turan Tovuz"u məğlub etdiyi oyun - Video
"Qarabağ" 7 qollu oyunda "Turan Tovuz"a qalib gəldi
UEFA-dan Şahruddinin oynadığı kluba avrokubok cəzası - Rəsmi
"Yuventus" Alleqrini istefaya göndərdi
"Qarabağ" - "Turan Tovuz": Heyətlər
Tuhel qərarını dəyişmədi
"Marsel"in baş məşqçisi karyerasını başa vurur
Azərbaycan cüdoçuları Avropa Kubokunda iştirak edəcəklər
1-ci liqada son turun oyunları eyni gündə, eyni saatda
"Yuventus"dan Mottaya 3 illik müqavilə təklifi
İki futbolçu "Liverpul"dan ayrılır - Rəsmi
FİFA VAR-la bağlı yeni qaydalar tətbiq edir
“Qarabağ” - "Turan Tovuz" oyununda qadın hakimlər
"Onlara daim deyirəm ki, yaraşıqlı, gözəl görünmək istəyirsinizsə, idmanla məşğul olun"
1-ci liqada çempionun mükafatlandırma vaxtı müəyyənləşdi
Robin van Persi baş məşqçi təyin edildi