“Çempionatın startını səbirsizliklə gözləyirdik. Əfsuslar olsun ki, məğlub olduq”.
Qol.az-ın məlumatına görə, bu sözləri “Neftçi”nin baş məşqçisi Elxan Abdullayev Topaz Premyer Liqada yeni mövsümün ilk turunda “Qarabağ”a uduzduqları oyundan (1:3) sonra keçirilən mətbuat konfransında deyib.
- Məğlub olmaq istəməzdik. Amma bu gün belə alındı. İlk hissədə yox, ikinci hissədə yaxşı oynadıq. Məğlubiyyətə görə azarkeşlərimizdən üzr istəyirəm.
- Elnur Cəfərovun oyunundan nə dərəcədə razı qaldnız?
- Matç əvvəldən planlaşdırdığımız kimi getmədi. Buraxdığımız ilk qol planlarımızı pozdu. Elnura vaxt lazımdır. Gənc futbolçudur, gələcəyi var. Nəsə alınmırdı, amma çalışırdı. Necə razı qala bilərəm ki, məğlub olmuşuq. Lakin perspektivi var.
- “Qarabağ” “Neftçi”yə qarşı ikinci heyətlə oynayırdı. Necə düşünürsünüz, komandanız hansı cəhətlərdə “Qarabağ”dan geri qaldı?
- Mən bu barədə danışmaq istəmirəm. Həmişə istəyirəm ki, “Qarabağ” bizə qarşı əsas heyətlə oynasın. Əksinə, ehtiyat oyunçular şans qazananda daha da həvəsli olurlar. Etiraf edək ki, “Qarabağ” bizdən güclüdür. Uzun müddətdir bir yerdə oynayırlar.
- Birinci qol zamanı Səlahət Ağayev kobud səhvə yol verdi. Oyundan sonra onunla bu haqda danışdınızmı?
- Yəqin ki, Səlahət öz oyununu təhlil edəcək. Bəli, səhvi var idi. Əgər qapısından kənara çıxmasaydı, bəlkə də qol olmayacaqdı.
- Oyunu Derlisin üzərində qurmuşdunuz. Onu oynatmaq məcburiyyətində idiniz?
- Mən Derlisin oyunundan çox razı qaldım. Ötürmələr zamanı səhvlər etmədi. Şəxsən mənə, komandaya onun kimi oyunçu lazımdır. Ümid edirəm ki, Derlis oyundan-oyuna daha yaxşı çıxış edəcək.
"Qarabağ"ın "Turan Tovuz"u məğlub etdiyi oyun - Video
"Qarabağ" 7 qollu oyunda "Turan Tovuz"a qalib gəldi
UEFA-dan Şahruddinin oynadığı kluba avrokubok cəzası - Rəsmi
"Yuventus" Alleqrini istefaya göndərdi
"Qarabağ" - "Turan Tovuz": Heyətlər
Tuhel qərarını dəyişmədi
"Marsel"in baş məşqçisi karyerasını başa vurur
Azərbaycan cüdoçuları Avropa Kubokunda iştirak edəcəklər
1-ci liqada son turun oyunları eyni gündə, eyni saatda
"Yuventus"dan Mottaya 3 illik müqavilə təklifi
İki futbolçu "Liverpul"dan ayrılır - Rəsmi
FİFA VAR-la bağlı yeni qaydalar tətbiq edir
“Qarabağ” - "Turan Tovuz" oyununda qadın hakimlər
"Onlara daim deyirəm ki, yaraşıqlı, gözəl görünmək istəyirsinizsə, idmanla məşğul olun"
1-ci liqada çempionun mükafatlandırma vaxtı müəyyənləşdi
Robin van Persi baş məşqçi təyin edildi