"Çıxıb açıqlasınlar ki, son on ildə kimin dönəmində "Neftçi"nin büdcəsi nə qədər olub. Demək istəyirlər ki, "Neftçi"nin keçmiş büdcəsi 15, 20, 30, 40, 50 milyon olub, indiki isə cəmi 1-2 milyondur?"
Bu gün mətbuatda "Neftçi"nin icraçı direktoru Orxan Hüseynzadənin müsahibəsini oxudum. Bildirir ki, yaxın keçmişdə "Neftçi" Avroliqanın qrup mərhələsinə vəsiqə qazanıb və o dönəmlə indikini müqayisə edə bilməzlər. Ta bu uğurlar təkrarlanmayana qədər. Əslində bura qədər hər şey yerində idi. Amma...
Orxan Hüseynzadə dərhal da vurğulayır ki, klubun o vaxtkı (yəni bizim “Neftçi”də çalışdığımız dövrdə) büdcəsi indikindən düz 6 (!) dəfə çox idi. Heyrət etməyə bilmirsən!
Həmin Orxan Hüseynzadənin söz açdığı dönəmdə “Neftçi” ardıcıl ölkə çempionluqları, kuboklar qazanıb, futbol tariximizdə ilk dəfə, Avropa Liqasının qrupuna düşüb. Həmin uğurların bu gün də təkrar olmasını ürəkdən istəyirik. Amma istəyin gerçəkləşməsi üçün iş də görmək lazımdır. 8 komandalı çempionatda 7-ci yerdə gedən komandanın rəhbərliyi özünü bizimlə deyil, ən yaxşı halda Gede vaxtında 8-ci yerlə və həmin dönəmin büdcəsi ilə müqayisə edə bilər. O vaxtda, elə indi də eyni havadarların "xeyir-duası" ilə "Neftçi"ni bu günə qoydular. Yoxsa demək istəyirlər ki, pulları olsaydı, indi Çempionlar Liqasının qrupunda idilər? Gedib, başbilənlərindən soruşsunlar ki, o büdcə ilə niyə 8-ci yerdə idilər.
Futbolu bilmək, işi bacarmaq lazımdır, 7-ci yerdə ola-ola havaya 6 dəfə asqırmaq yox...
Fikirimizi bildiririk, məsləhətlərimizi veririk. İstəyimiz ancaq "Neftçi"nin layiq olduğu yerdə olmasıdır. Bəs, “Neftçi” rəhbərliyində bu nə xofdur, yaranıb? Məqsədləri nədir? Bu mənasız açıqlamalarla elə sponsorlarını hədəfə alırlar. Həmin dönəmdə də, indi də eyni maliyyəçilər "Neftçi"yə nəzarət edirlər. Qoy, çıxıb onlar açıqlasınlar ki, son on ildə kimin dönəmində "Neftçi"nin büdcəsi nə qədər olub. Demək istəyirlər ki, "Neftçi"nin keçmiş büdcəsi 15, 20, 30, 40, 50 milyon olub, indiki isə cəmi 1-2 milyondur? Niyə xalqı aldadırlar? Niyə demirlər ki, Sadıq Sadıqovun “Neftçi”nin prezidenti olduğu dönəmdə klub milyonlar qazanıb və Avroliqanın qrupuna düşdüyü üçün qazanılan milyonlar hansı müddətə "Neftçi"nin hesabına köçürülüb? İndiki rəhbərlik çox əziyyət çəkməsin, gedib elə öz havadarlarından soruşsun, onlar dəqiq cavab verəcəklər.
Biz "Neftçi"yə gəldiyimiz gündən ta sona qədər nə keçmişlə, nə maliyyə ilə bağlı heç bir açıqlama vermədik. Çünki pul yox, uğur qazanmağa gəlmişdik. Şəffaflıqdan danışırlar, bu mövsüm transfer olunan 13-15 (!) legionerin qiymətlərini açıqlasınlar! Və onu da açıqlasınlar ki, bu legionerləri federasiyada əyləşən hansı "menecer"in xətti ilə gətirirlər. AFFA hara, klublara futbolçu gətirmək hara...
"Neftçi"nin istedadlı yetirmələrini didərgin salıb onlarla səviyyəsiz futbolçu transfer ediblər. Hanı bu klubun strategiyası, hanı klubun yeni yetirmələri? Biz heç vaxt çempionluqlar qazanaraq bir mövsümə 14-15 legionerdən istifadə etmədik. Qruplarda 19-21 yaşlı futbolçularımız çıxış edirdi. Ağıllı klub 15 legionerə verilən vəsaitə 5-6 səviyyəli futbolçu transfer edir və onların yanında öz istedadlı yetirmələrini oynadır. Necə ki, bizim dönəmdə belə idi...
İndikilər futbola 5-10 ildi gələn təsadüfi insanlardır. "Neftçi"ni tarixi uğurlara daşımaq üçün futbolun dərinliyini, incəliklərini bilmək lazımdı. Bunlar "Neftçi"ni elə nüfuzdan salıblar ki, rəhbərlərini tribunadan qovurlar.
"Neftçi" və ümumi futbol bizlərindi. İndi o klubun rəhbərliyində toplaşanlar çox cavan və futbolda təsadüfi, təcrübəsiz insanlardır. Və yalnız futbolda naşı adamlar bu cür ehtiyatsız, düşəncəsiz açıqlamaları ilə öz havadarlarını, rəhbərlərini "vura” bilərdilər.
Sonda “Netçi” rəhbərliyinə bir məsləhətim var: sələflərinizin səhvlərini təkrarlamayın! Meydanda məğlub olmağınız təbiidir, futbolu bilmirsiniz, heç olmasa 5-6 ay sizi "Neftçi"yə gətirən havadarlarınızı da məğlub etməyin.
Tahir SÜLEYMANOV
"Qəbələ" tarix yazdı" - Elmar Baxşıyev
"Oyun əlavə vaxta gedəndə hiss edirdim ki, qalib gələcəyik"
Rafael Utziq "Qəbələ"dən gedir
"Məqsədimiz kuboku qazanmaq idi, buna da nail olduq"
"Qəbələ" Azərbaycan kubokunu qazandı
Hazard gedir, ya qalır? - Qərar verildi
“Çaçiç öz münasibəti ilə məni şoka saldı” - Mahir Emreli
Əzmkar qələbə ilə Çempionlar Liqasının kubokunu qazandılar
Azərbaycanda II Divizion yaradılır
"Real"da növbəti ayrılıq
Mahir oynadı, "Konyaspor" son ev matçında heç-heçə etdi
"Neftçi" - "Qəbələ": Heyətlər
Ronaldo "Əl-Nəsr"də xoşbəxtdir
İlkay Gündoğan "Milan"da?
Kuboku qazanan 16-cı mütəxəssis kim olacaq?
"Səbail" onunla müqaviləni uzatdı
“Real” ayrılığı rəsmən açıqladı
TOP-5 çempionatlar üzrə mövsümün komandası
“Əl-Hilal” Messinin transferini açıqlamağa hazırlaşır
"Səbail"də ayrılıq
“Qarabağ” yayın ilk transferini açıqladı
“Real” Keyn üçün israrlıdır
İlham Əliyev Tomas Baxı qəbul etdi
“Napoli” Qaltye ilə danışıqlara başladı
PFL kubokun rekordçularını açıqladı
“Neftçi” - “Qəbələ” finalının hakimləri müəyyənləşdi
“Qarabağ” yeni formasını təqdim etdi - Video
Dünya çempionatı: İki taekvondoçumuz mübarizəyə başlayır
Fransa Liqa 1-də oynamaq hüququ qazandılar
UEFA Mourinyoya qarşı intizam işi açdı
“Nou Kamp” bağlandı, təmir başladı - Şəkil
PSJ-ni tək Messi yox, o da tərk edir
Zlatan: “Mövsümün sonunda karyeramı başa vurmağı düşünmürəm”
PSJ Ramosun gedişini açıqladı
Mario Qötze ilə müqavilə uzadıldı
Bundesliqa klubunda baş məşqçi istefası
Xavi: “Messi anadangəlmə liderdir”
Xviça mövsümün oyunçusu seçildi
"Sabah buradan yenə qalib ayrılmağa çalışacağıq"
"Finalda favorit olmur"
"İndiki məqamda kubok daha vacibdir, nəinki yeni müqavilə"
"Milan" Leau ilə müqaviləni uzatdı - Rəsmi
Qadın güləşçimizdən bürünc medal
"Turan Tovuz"un hazırlıq planı açıqlandı