Salam, hər vaxtınız xeyir.
Sizinlə həmsöhbət mənəm, Rövşən Binnətli.
İlk növbədə, bizə bu görüşmək imkanını yaradan insanlara təşəkkür edirəm. Qərara gəlmişik ki, həftədə bir dəfə Qol.Az saytında görüşək, həmsöhbət olaq. Görüşlərimizdə futboldan danışacağıq. Mövzu məhdudiyyəti yoxdur, özümüzdən də bəhs edəcəyik, dünya top aləmində baş verən diqqətçəkən hadisələrlə də bağlı fikirlərimizi bölüşəcəyik. Bəs, niyə məhz futboldan?
Kim nə deyir desin, futbol özü boyda möcüzədir. Məna və məntiqi, fəlsəfəsi bəlkə də sadə kimi görünür, anlaşılan, başa düşülən təsiri bağışlayır, amma ifadəyə çətin gəlməsi də faktdır. Çünki sirli bir mahiyyət daşıyır. Ona görə milyonları arxasınca aparır. Və ona görə milyonların sevimli oyunudur. Bu səciyyəvi cəhətləri barədə çox danışılıb, çox yazılıb. Ancaq məna çaları sonadək açılıbmı? Yox, açılmayıb. Elə bu yazı da əsl xarakterinin tərcümanı olmayacaq. Bəlkə bir az pafoslu səslənir, amma futbol o qədər cazibədar, füsnkar, o qədər məzmunlu və gərgin, gözlənilməzliklərlə dolu bənzərsiz oyundur ki, düşündüyünü qarşı tərəfə tam ötürmək, onu olduğu kimi vəsf etmək, sadəcə, mümkün deyil.
Yadıma yaxın dostum, söz sərrafı, böyük jurnalist, bizi çox erkən tərk etmiş rəhmətlik Adil Qaçayoğlunun mənə danışdığı hadisə düşür. Deməli, tələbə yoldaşlarından biri, hansı ki, futbolun dəlicəsinə azarkeşi imiş, sevdiyi qıza ürəyini açmaq üçün məktub yazır və düşüncələrini bu sözlərlə bitirir: “Əzizim, inan, səni futboldan da çox sevirəm”.
Bu da futbolun böyüklüyünə daha bir nümunə. Yəni, vaxt olub ki, insanlar hətta sevgi kimi mübhəm hisslərinin izharında da futbolu etalon götürüb. Lakin pul hərisi dəllalların futbola getdikcə dərindən nüfuz etməsi, ecazkar oyunu öz maraqları yolunda vasitəyə çevirmək üçün ən müxtəlif üsullara əl atması vəziyyəti xeyli dəyişib.
Elə başa düşülməsin ki, futbolun böyüklüyünün çat verməsi fikrindəyəm. Əsla, sözügedən böyüklük o dərəcədə möhtəşəmdir ki, hər xırda-para küləkdən, yeldən nə çat verəsi, nə də yıxılasıdır. Bununla belə, narahatlıq üçün kifayət qədər əsas var və bu narahatlığı yaradan da futbola yalnız və yalnız pul, mənsəb mənbəyi kimi baxan mənən cılız, şikəst məxluqların son zamanlar olduqca fəallaşması, necə deyərlər, təşəbbüsü ələ almasıdır.
Futbolun yad ünsürlərdən qorunmasına çox ciddi ehtiyac yaranıb. Bəs, onu yad ünsürlərdən kim qorumalıdır? Təbii ki, ilk növbədə, futbol ailəsinə daxil olanlar – futbolçular, məşqçilər, federasiya prezidentləri, klub rəhbərləri və ən nəhayət, azarkeşlər. Bu mənada, ən böyük məsuliyyət daşıyan bir zümrə də jurnalistlərdir. Gəlin, futbolun böyüklüyünə mənəvi böyüklüyümüzlə cavab verək, bizə sonsuz sevinc hissləri yaşatmış, yaşadan və yaşadacaq oyuna borclu qalmayaq.
Sizinlə mən idim, həmsöhbətiniz Rövşən Binnətli. Gələn həftə görüşmək ümidi ilə...
PSJ prezidenti: "Super Liqa mənim üçün mövcud deyil"
Muslera milli karyerasını başa vurdu
Azərbaycan boksçusundan bürünc medal - Avropa çempionatı
Şahmat üzrə Azərbaycan çempionu bəlli oldu
“Sabah” bölgələrdə seçimlərə başlayacaq
Futzal üzrə Azərbaycan kubokunda finalçılar müəyyənləşdi
Azərbaycan cüdoçusu Avropa çempionatının finalında uduzdu
"Sabah" Gənclər Liqasının qalibi oldu
"Karvan" və "İmişli"dən qələbə, lider xal itirdi
Azərbaycanın U-17 millisi Özbəkistana uduzdu
Əliyar Ağayev Fatih Terimin komandasının oyununda
Xavi qərarını niyə dəyişdi?
La Liqanın bəzi oyunları ABŞ-da keçiriləcək
PSJ-nin prezidenti "Qarabağ"ı təbrik etdi - Video, Şəkillər
İstanbul derbisinin hakimi bilindi
Hakimi təhqir etdiyi üçün cəzalandırıldı
"Qəbələ"nin futbolçusu əməliyyat olundu
PFL hakim təyinatlarını açıqladı
Klopp üzr istədi
Kroos: "Ançelotti bizə yalan danışdığını dedi"
"Yayda nələr olacağını birlikdə görəcəyik" - Musa Qurbanlı
İndi ən vacib xəbərlər telefonunuza gələcək!
Finalda təkrarlanan 6-cı cüt
“Qarabağ” “Neftçi”yə çatdı
Azərbaycan kubokunda yeni rekord
"Barselona" Xavi ilə bağlı qərarı açıqladı
İtaliya kubokunda 2-ci finalçı da bilindi
"Liverpul"a çempionluq yolunda zərbə
Yurgen Kloppu Arne Slot əvəzləyə bilər
"Ola bilər ki, həvəssizlik olsun" - Qurban Qurbanov
"Qarabağ" - "Neftçi" oyunundakı 5 qol - Video