Aydın, Səttarın ayaqyalın oynadığını heç gördünmü?
[02.09.2016]

Aqil Abbas

Qol.az-da «Qarabağ»ın ən sədaqətli və məşhur futbolçularından biri Səttar Əliyevlə bir müsahibəni oxudum. Getdim İmarəti də gördüm, «Qarabağ»ın məşhur bombardiri, yaxın qohumum Şəfəq Hümbətəliyevin oyuna gedərkən çantasını daşımaq üstündə məhlə uşaqlarıyla dalaşdığım günləri də xatırladım, Milli Qəhrəman Allahverdi Bağırovun oyun vaxtı topu itirən futbolçuya «Ay səni çörək tutmasın» sözləri də qulağımda səsləndi...

«Qarabağ»ın Lobanovskisi, fanatı, dəlisi Adil Nadirovun yaşlaşmasına baxmayaraq, mərkəzdə dayanıb dispetçer kimi topu necə payladığı günlər gəldi-keçdi göz önümdən.

Rəqib komanda hücuma keçəndə qapıçımız Saşa (Hüseyn Əhmədov, «Neftçi»nin keçmiş oyunçusu) çığırırdı:

- Dömbül Kamil, sən doqquz nömrəni tut.

- İdris, on biri gözlə.

- Qıdan, sən də Əlövsəti tut.

Gözəl müdafiəçi olmasına baxmayaraq, Qaraçı Əlövsət hərdən öz qapımıza top vururdu. Saşa da bağırırdı ki, ə, yekə kişisən, bunu elə vur, tuta bilim də.

Elbrus Abbasovu «Neftçi»yə necə yola saldıq, ilahi. O vaxt heç kosmonavtları elə yola salmırdıq.

İmarət... Bura ona görə İmarət deyirdilər ki, burda Pənah xanın, İbrahim xanın, Mehralı xanın, Mehdiqulu xanın, Əbülfət ağanın, Xan qızı Natəvanın, ümumiyyətlə, Cavanşir nəslinin məzarları vardı. Özü də sandıq məzarları idi, türk sultanlarının məzarları kimi. Sadıq Murtuzayev Ağdamda birinci katib olarkən bütün o məzarlara bir daha əl gəzdirtdi, sərdabələr tikdirdi, Natəvanın büstünü da İmarətdə ucaltdı.

Stadion da burdaydı. Hər il bir milyon pul xərcləyib (olsun bir az az) Respublika stadionunun futbol sahəsini təmir edirlər, amma yenə kənd yoluna dönür. İmarətdəki stadionun uzunluğu 120 metr, eni 60 metr idi. Ona görə «Qarabağ» rəqib meydanlarda oynayanda heç vaxt yorulmazdı, 90 metrlik stadionlar onlar üçün oyuncaq kimi bir şeyiydi. Otuz il o stadiona gedib-gəldim ot örtüyü elə idi ki, elə bil heç burda futbol oynanılmayıb. Uzananda da Məhərrəm əmi biçərdi. Onda indiki kimi otbiçən maşınlar yox idi. Məhərrəm əmi onu dəryazla elə biçərdi ki, elə bil yüz dərzi işləyib bu otun üstündə.

Çoxlarının bilmədiyini də deyim. İmarətin dörd tərəfi hündürlüyü 30-40 metrə çatan xan çinarlarla əhatə olunmuşdu və bu çinarları da bura Xan qızı Natəvan öz əli ilə əkmişdi. Nə cür külək olur-olsun İmarətdə hiss olunmurdu. Onu da bilirmisiniz ki, Xan qızı Natəvan rəhmətə gedəndə xalq onu Şuşadan Ağdama (37 km.) çiyinlərində gətirmişdi?!

İmarətdə ər-arvad iki ağır seyidin məzarı da olduğundan və həm də Cavanşirlər nəsli uyuduğu üçün bura müqəddəs sayılırdı.

Qayıdaq futbola. Ağdamın işğalından sonra «Qarabağ» çox ağır günlər yaşadı. Futbolçular maaşa yox, qeyrətə, nama oynayırdılar. Ölkə çempionu da olurdular, kuboku da alırdılar, Avropa oyunlarına da gedirdilər. Müstəqillikdən sonra Azərbaycan futbolunda ilklərin çoxuna «Qarabağ» imza atdı.
Qalmağa yer-yurdları da yox idi. Bir ara, özü də bir neçə ay «Abşeron» otelində qaldılar. Nə otelə ödəniləcək para vardı, nə də yeməyə veriləcək. Borc borc üstünə yığılırdı. Onda «Abşeron» otelinin direktoru, gözəl insan, rəhmətlik Aqil Paşayev komanda «Abşeron»dan çıxanda dedi, Qarabağın xətrinə «Qarabağ»ın bütün borclarını silirəm, öz cibimdən ödəyəcəm.

Sonra «Azərkimya»nın prezidenti Fikrət Sadıqov «Kimyaçı» sanatoriyasını təmənnasız «Qarabağ» futbolçularına verdi və üstündə də bir stadion. «Qarabağ» ev oyunlarını Sumqayıtda keçirməyə başladı. Hər dəfə oyuna avtobusların arxasından sallaşa-sallaşa 12-16-18 yaşlarında Ağdam uşaqları da gəlirdi. Və futbolçular da bütün gücünü ortalığa tökürdülər ki, bu evsiz-eşiksiz, yurd-yuvaları dağılmış, «Qarabağ»dan başqa heç bir sevgiləri olmayan bu uşaqları ağlatmasınlar.
Mən bir az qısa yazdım. Bu günlərdən gəlib-keçib «Qarabağ».

Yeri gəlmişkən, həmin o çətin dönəmlərdə rəhmətlik Afiyəddin Cəlilov da bir avtobus bağışladı. Ona qədər futbolçular oyunlara, məşqlərə marşrut avtobuslarla gedib-gəlirdilər. Rayonlara gedəndə də qəpik-qəpik pul yığıb avtobus tuturdular.

Gələk Səttara. Səttar 20 il bu komandanın qeyrətini çəkib. Aylarla cibində bir manatı olmayıb, amma «Qarabağ»ı atıb varlı komandalara getməyib.




Səttargilin ailəsi Ağcabədidə yaşayırdı. Bir gün Adil Nadirov mənə dedi ki, Səttarın qardaşı farmaçevtdi, bəlkə Ağcabədinin başçısından xahiş edəsən ona şəhərdə bir aptek yeri verə, həm ailəni dolandırar, həm də Səttarı.

Səttarla getdik Ağcabədiyə. Səttar getdi ailəsigilə, mən də qalxdım icra hakimiyyətinə. İcra başçısı da Şamil Həsənov idi, sözü və özü bütöv adam idi. Məsələni açdım. Dedi nəinki ona aptek yeri verərəm, elə aptekin özünü də tikdirərəm. Sonra dedi ki, elə bu gün Ağcabədidə kəndlərarası futbol çempionatı gedir, gedək stadiona. Getdik.

Amma stadion Aydın Alıyev Ağcabədidə birinci katib olanda təmir edilmişdi. Bəlkə 100 kv.m sahəyə də öz əlimlə çim döşəmişdim. Bu stadion da mənə İmarət kimi doğmadı.
Oyun başladı. Və gördüm ki, Səttar komandaların birində oyuna girib. Özü də ayaqyalın oynayır. Şamil müəllim yanındakılardan soruşdu ki, bu niyə ayaqyalındı? Dedilər ki, ayağının ölçüsünə idman ayaqqabısı tapa bilmədik, ona görə ayaqyalın oynayır.
İndi Səttar rəqib komandanın oyunçularını tum kimi çıtlayır. Bir qol, iki qol… Şamil müəllim sevinc içində dönüb tez-tez mənə deyir:

- Görürsən, Ağcabədi necə futbolçular yetişdirib? Aparın da «Qarabağ»a.

Mən də gülürəm. Axırda dedi:

- Nəyə gülürsən, ey?

Dedim:

- Şamil müəllim, qardaşının xahişini elədiyim həmin o ayaqyalın futbolçudu. O «Qarabağ»ın kapitanıdı.

Bir anlıq dilxor oldu, amma sonra dedi:

-Ə, ona nə aptek ey, hər şey qurbandı.

İndi Aydın Bağırov, sən Səttarın ayaqyalın futbol oynadığını heç gördünmü? Amma mən gördüm.

Sonda da bir zarafat, əslində olmuş hadisədi. «Qarabağ» Sumqayıtda «Neftçi»ni qəbul edir. Bir tərəfdə «Qarabağ»ın fanatları, bir tərəfdə «Neftçi»nin. Stadionun ot örtüyü də bizim Respublika stadionunun ot örtüyündən elə də fərqlənmir, yox, ağ oldu, bir azacıq pis idi.
«Neftçi» hücuma keçib, fanatlar alqışlayır, birdən qonaqların biri lap uca səslə qışqırdı:

- Qasımov, ehtiyatlı ol, qabaqda yama var.

İndi Respublika stadionunun ot örtüyündən danışılanda, ya mətbuatda oxuyanda yadıma həmin hadisə düşür.

Aqil ABBAS

10515 dəfə baxılıb

   Facebook Twitter MySpace Google

MÜƏLLİFİN DİGƏR YAZILARI                        
 
08.04.2024  18:00 Qəm eləmə, Azər Bağırov, bu da keçər! 
28.03.2024  11:52 Gürcülər çox döşünə döyməsin, biz də monqollara qalib gəldik
14.03.2024  11:39 "Qəbələ"nin birinci liqaya düşməsi futbolumuz üçün faciədir
12.03.2024  16:35 Azər Bağırov, ruhdan düşmə! 
04.03.2024  13:45 Tərlan Əhmədova it dəyib?! - Aqil Abbas yazır
21.02.2024  14:15 Köhlən atlar, yoxsa ayğır atlar?
21.11.2023  10:53 Bir qırmızı kart da De Byaziyə çıxarılmalıdır
17.11.2023  16:48 At kimi gözəl xanım - Aqil Abbasın yazısı
21.08.2023  16:00 Futbolçu alverçiləri
03.08.2023  17:10 Qurban Xoca, tənqidlər səni ruhdan salmasın
28.07.2023  12:37 Qaraçı Əlövsət və Şahruddin
28.03.2023  14:49 De Byazini təbrik edirəm, milli komandanın içinə oturduğuna görə 
27.02.2023  13:23 Futbolu olmayan ölkədə hamı futbol professoru olub 
30.01.2023  15:05 "Neftçi" və Qurban Pirimovun tarı
29.12.2022  14:59 "Qarabağ"ı bir futbolçunun ayağına bağlamayın - Aqil Abbas yazır
01.12.2022  19:37 Ə, bayıssı göyçək, qoy biz də oynayax dana
04.11.2022  17:01 Qurban Qurbanovun nə çox məsləhət verəni varmış?
03.11.2022  14:19 Bu dünyadan Maxaradze keçdi…
28.10.2022  12:10 Turaf əmi buna neynəsin?!
23.08.2022  10:00 “Qarabağ”, “Tofiq Bəhramov” stadionu və BOS
11.08.2022  18:02 Elmar Vəliyev o stadionu bir aya təmir etdirərdi
10.08.2022  16:55 Qurbanın atları Çingiz xanın atları kimi tapdalayıb keçir
21.04.2022  15:40 “Qəbələ” Qəbələdə yaşamalıdı
18.04.2022  16:05 Üzümü AFFA-ya tutmuram, Ramin Musayevə tuturam 
13.04.2022  17:18 Qurban, saa qurban
28.02.2022  17:01 Bəlkə Ayxan Abbasova yalvarıb qaytarasız “Sumqayıt”a? – Aqil Abbasın yazısı
12.11.2021  14:51 Bizdən öndə gedir lüksemburqlular, işi iş bilməyənə tapşırmır onlar!
18.10.2021  13:34 Prezident Qara Qarayevə nə dedi? – Aqil Abbasın yazısı
20.09.2021  15:44 Azərbaycanda məhlə çempionatı davam edir
04.12.2020  11:10 Gələn il sizi Ağdamdakı toyuma dəvət edirəm
02.10.2020  16:45 "Qarabağ"ın köhlən atları
04.08.2020  16:08 Arıq eşşəklərin yaylağı – Aqil Abbasın yazısı
01.09.2019  16:15 Məşqçilərimizin oxumaması qəti qadağandır!
27.08.2019  13:54 Allahverdi Bağırovun çayxanadan yığdığı uşaqlar
01.08.2019  15:40 Futbol bir bəladır ki, mübtəla olmayan bilməz
13.05.2019  22:33 50 manatlıq futbol "mədəniyyəti"
30.12.2018  12:26 "Qarabağ"ın İmarətsiz uşaqlarını ağlatmayın
13.09.2018  12:20 Azərbaycanda nə vaxt futbol olacaq?!
04.12.2017  16:28 Milyonları yeyənlərə 10 il, oyun "satanlara" ömürlük "həbs"
01.11.2017  16:18 Madriddə aprel döyüşləri
22.09.2017  16:06 Hərdən AFFA və PFL-ə yazığım gəlir
08.09.2017  14:24 İmkan verməyin, “Futbol saatı” bağlansın...
16.08.2017  16:46 Lobanovski və bizim Qurban
10.08.2017  18:34 AFFA, bəlkə Tahir Süleymanovu bu dəfə eşidəsiniz?
02.08.2017  12:55 Qurban, sizə və uşaqlarına qurban!
26.07.2017  15:49 Futbolun namərdliyi, Kamil də öldü...
19.04.2017  15:41 Olmayan Ağdam və olan Tovuz…
17.04.2017  13:17 Naxçıvanda! Mayın 5-də! Möhtəşəm futbol!
27.03.2017  12:50 “Kolxozçu”yla oynamırdıq ey, almanlarla oynayırdıq!
22.02.2017  14:47 Bizimkilər qırılıb qurtarıb ki?!
26.01.2017  15:04 Ey gözəl İmarət, ey gözəl “Qarabağ”
25.11.2016  15:52 Stadionun yolunu tanımayan futbol azarkeşləri
03.08.2016  15:35 Darıxmayın, Qarabağ atları hələ çox finişi fəth edəcək!
18.07.2016  16:36 Off bə! Ürəyimi boşaltdım!
28.04.2016  16:04 Futbolun utanc gecəsi
12.04.2016  16:08 "Böyük oyun" məni niyə kövrəltdi?!
04.12.2014  17:12 Budu bizim “Qarabağ”a sevgimiz?
09.10.2014  12:10 Ağılsız futbolçu və ya meymunun yanğın söndürməyi
18.08.2012  13:56 "Qarabağ"ı Ağdama qaytara bilməyənlər, Ağdamı qaytara biləcəklərmi?!
28.09.2011  13:00 Pəyədəki eşşəyin səsinə inananlar