Moskvadan bəd xəbər var. Özü də bizimkilərdən. Yox, heç kimi öldürüb-eləməyiblər. Sadəcə, düz bir ay, bir gün bizimkilərin günü göy əsgiyə bürünəcək. İyunun 14-dən iyulun 15-dək. Rusiyada keçirilən dünya çempionatı bitənədək.
Artıq bir aya yaxındı ki, nəinki paytaxt Moskvada, çempionatın keçiriləcəyi bütün şəhərlərdə mühacirlərin total yoxlaması başlayıb. Kiçik bir inzibati pozuntu artıq cəriməylə nəticələnmir. Bunun adı deportasiya. Bir qədər əvvəl Moskva meri Yuri Sobyanin nəinki paytaxtın, ümumilikdə Rusiyanın çempionata hazır olduğunu bildirmişdi. Sonradan Vitali Mutko da bunu təsdiqləmişdi. Sən demə, bu hazırlığa mühacirlərlə bağlı detal da salınıbmış. Gələn qonaqların könlünü bulandırmasınlar deyə, Mərkəzi Asiya və Cənubi Qafqazdan olan mühacirlər paytaxt küçələrində maksimum az görünməlidilər. Təxminən oxşar vəziyyət 1980-cil Olimpiadasında da yaşanmışdı. Bir ay sürən Moskva Olimpiadasına görə, SSRİ-nin paytaxtı nə az, nə çox - 3 ay qapalı şəhərə çevrilmişdi. Düzdü, indi bunu edə bilmirlər. Amma bütün hallarda şəhəri və şəhərləri, necə deyərlər, təmizləyirlər.
Bu hələ harasıdı?! Moskvanın parklarında, açıq havada yerləşən iaşə obyektlərindəki kafe və restoranlarda kabab bişirmək belə yasaqdı. Heç kimə də sirr deyil ki, bu tip obyektləri işlədənlərin əksəriyyəi azərbaycanlılardı. O azərbaycanlılar ki, bəlkə də gözlərini elə DÇ-2018-ə, elə bu aya dikmişdilər.
Moskvanın ənənəvi bazarlarının da profilaktika üçün qapadılacağı deyilir. Onminlərlə soydaşımızın çalışdığı bazarların qapadılması bir ay çörəksiz qalmaq deməkdi. Və həm də bir ay Azərbaycandakı doğmalarına pul göndərilməməsi.
Başqa bir xəbərə görə, ingilis dilini bilməyən və xüsusi lisenziyası olmayan sürücülər də bir ay öz fəaliyyətlərini dayandırmalı olacaqlar. Paytaxt Moskvada minlərlə azərbaycanlı taksi sürücüsü var. Onlardan hansınınsa ingilis dilini bilmək ehtimalı cüzidi. Bəlkə də heç yoxdu.
Gələn xəbərlərə görə, Moskva mehmanxanalarında boş yer yoxdur. Yerlər çoxdan bron edilib. Moskvada kirayə evlərin qiyməti isə fantastik dərəcədə qalxıb. Bu da bir zərbədi azərbaycanlılar üçün.
Mahiyyəti etibarıyla kriminal şəhər olan Moskvada bütün kriminal ünsürlər xüsusi nəzarətə götürüləcək. Moskvadakı dostların dediyinə görə, artıq indidən total yoxlamalar başlayıb. Adi xuliqanlığın bədəli də deportasiyadı. Kalininqradda isə daha kəskin addımlar atılıb. Şəhərdə cibgirliklə məşğul olanların hamısı qeydiyyata götürülüb. Böyük ehtimalla onların hamısı Kalininqradda oyunlar bitənədək bir ay məcburi dincəlməli olacaqlar.
Hə, əslində dünyadakı imiclərini nəzərə alanda rusları başa düşmək olar. Avropadan, Amerikadan, bir sözlə, dünyanın hər yerindən Rusiyaya axışıb gələcək milyonlarla turistə modern, sivil bir dövlət olduğunu göstərmək lazımdı. Və elə buna görə də ən xırda məqama qədər hazırlaşırlar.
Amma bir məsələ də var. Çempionatın startına bir ay qalıb, bəzi stadionlar hələ də oyun keşirilməsi üçün yararlı deyil. Samaradakı stadionun ot örtüyü FİFA ekspertləri tərəfindən bəyənilməyib. Elə həmin Kalininqraddakı stadion ətrafında böyük korrupsiya qalmaqalı hələ səngiməyib. Sən demə, tribunalarda da problemlər var. Kalininqraddan tutmuş Yekaterinburqa qədər böyük bir arealı əhatə edən ərazidə azarkeşləri daşıyacaq qatarların qrafiki də tam dəqiqləşməyib. Zənnimcə, Rusiya ilk növbədə bunlara hazır olmalıydı. Yoxsa azərbaycanlını qovmağa nə var ki?!
Səbuhi MƏMMƏDLİ,
“Futbol+” qəzeti
Şahruddinin komandası "Qalatasaray"a uduzdu
"Əl-Hilal" ardıcıl 21-ci qələbəsini qazandı
"Mingəçevir" 3 xalı bu cür qazandı - Video
"Liverpul" 48 saat ərzində yeni baş məşqçisini açıqlayacaq
Hidayət Heydərov 4-cü dəfə Avropa çempionu oldu
Şamaxıda vurulan baxımlı qollar - Video
PSJ hücumçusunu satdı
"Şamaxı" və "Mingəçevir"dən qələbə
Azərbaycan U-18 millisinin heyəti açıqlandı
Hidayət Heydərov yarımfinalda - Avropa çempionatı
İspaniya futbolunun yeni rəhbəri müəyyənləşdi
“Barselona” De Yonqu satacaq
Finalın nominal meydan sahibi və başlanma saatı bilindi
Azərbaycan millisinin üzvü Macarıstanda bürünc medal qazandı
Aksel Vitsellə müqavilə uzadılır
“Ağdaş”ın baş məşqçisinə 5 oyunluq cəza
AFFA İntizam Komitəsi qərarları açıqladı
AFFA "Neftçi"nin şikayətini təmin etmədi
De Brüynedən baxımlı qol - Video
Mahir Emrelidən Azərbaycan cüdoçularına dəstək
"Karvan" səfərdə 4 qol vurdu - Video
Azərbaycan idmançısından Portuqaliyada üçüncü medal
“Mançester Siti” darmadağınla ikinci pillədə
Azərbaycan millisindən 2 bürünc medal - Avropa çempionatı
Musa Qurbanlının komandası yenə uduzdu
PSJ prezidenti: "Super Liqa mənim üçün mövcud deyil"
Muslera milli karyerasını başa vurdu
Azərbaycan boksçusundan bürünc medal - Avropa çempionatı
Şahmat üzrə Azərbaycan çempionu bəlli oldu
“Sabah” bölgələrdə seçimlərə başlayacaq
Futzal üzrə Azərbaycan kubokunda finalçılar müəyyənləşdi
Azərbaycan cüdoçusu Avropa çempionatının finalında uduzdu
"Sabah" Gənclər Liqasının qalibi oldu
"Karvan" və "İmişli"dən qələbə, lider xal itirdi
Azərbaycanın U-17 millisi Özbəkistana uduzdu
Əliyar Ağayev Fatih Terimin komandasının oyununda
Xavi qərarını niyə dəyişdi?
La Liqanın bəzi oyunları ABŞ-da keçiriləcək
PSJ-nin prezidenti "Qarabağ"ı təbrik etdi - Video, Şəkillər
İstanbul derbisinin hakimi bilindi
Hakimi təhqir etdiyi üçün cəzalandırıldı
"Qəbələ"nin futbolçusu əməliyyat olundu