16:16
Azərbaycan Premyer Liqasının II turunun AZAL-la oyunu “Qəbələ”nin ukraynalı legioneri Aleksey Antonov üçün əlamətdar olub. Meydana sonradan daxil olan hücumçu Premyer Liqada ilk qolunu vurmaqla, “qırmızı-qaralar”ın 2:0 hesablı qələbəsində pay sahibi olub.
Qol.Az-ın məlumatına görə, Antonov “Dalğa Arena”dakı qarşılaşma ilə bağlı fikirlərini klubun saytına açıqlayıb:
“AZAL-la oyunumuz ağır alındı. Sevinirəm ki, sonda qalib gəlib, lazım olan nəticəni qazana bildik. Ümumiyyətlə, AZAL deyil, bütün komandalara qarşı oyunlar çətin olur. Demək olar ki, asan rəqib yoxdur. Səfər qarşılaşmasında qol imkanlarından daha yaxşı istifadə etməyimiz sayəsində qalib gəldik. 90 dəqiqə ərzində biz daha çox qol epizodları yaratdıq. Hesabın daha böyük olub-olmaması haqda mülahizələr yürütmək istəməzdim. Əsas 3 xal qazanmağımız idi ki, bunun da öhdəsindən gəldik. Start heyətində yer almayıb, meydana sonradan daxil olmağım baş məşqçinin qərarı idi. Mənim vəzifəm meydana çıxıb, oyunumu göstərib, gözlənilənləri nümayiş etdirməkdir. Bunda qeyri-adi bir şey görmürəm. Nəzərə almaq lazımdır ki, Premyer Liqada legioner limiti də var. Azərbaycan çempionatındakı ilk qoluma gəlincə, yaxşı hücum təşkil etdik. Həmin epizodda mən hücumu dəqiq zərbə ilə tamamladım”.
Antonov UEFA Avropa Liqasının pley-off mərhələsinin Yunanıstan təmsilçisi “Panatinaikos”la oyunları haqda da fikirlərini açıqlayıb. O bildirib ki, avqustun 20-də Bakıda baş tutacaq ilk görüşdə də azarkeşləri sevindirməyə çalışacaqlar: “Panatinaikos” çox yaxşı komandadır. Yunanıstan təmsilçisi ilə matç çox ağır olacaq. İndi bu matça ciddi hazırlaşmaq lazımdır. Bütünlüklə avrokubok görüşünə köklənəcəyik. Rəqibi dərindən təhlil edəcəyik. İstənilən rəqibə qol vurmaq mümkündür. “Panatinaikos”la matçda da hücumçu kimi qol vurmağa çalışacam. Hər oyuna qol vurmaq üçün çıxıram. Çalışacağıq ki, azarkeşlərimizi qələbə və qollarla sevindirək”.
Leau zəddəsini sağaltdı
Kadidən 40-cı qol
“Zirə”nin 25-ci qələbəsi
"Qarabağ" - "Sabah" oyunundakı qollar - Video
"Zirə" Azərbaycan çempionu oldu
"Zirə" "Turan Tovuz"u belə məğlub etdi - Video
İllərdir futbolumuzda belə anşlaq olmurdu - Video
"Finala çıxdığımızı düşünmürəm" - Rəşad Sadıqov
"Şəfa" büdrədi, "Şahdağ Qusar" qalib gəldi
“Haqqımız Əliyar Ağayevin haramı olsun” - Video
Luçeskunun durumu açıqlandı
Qattuzo istefaya göndərilməsindən danışdı
"Qarabağ" - "Sabah": Heyətlər
"Baku Open" şahmat festivalı keçiriləcək
Messinin DÇ-2026-da iştirakı sual altındadır
Premyer Liqanın ən yaxşı oyunçusu seçildi
Qattuzo istefaya göndərildi
"Turan Tovuz" - "Zirə": Heyətlər
Arteta İngiltərədə ən yaxşı məşqçi seçildi
Luçeskunun ürəyi tutuldu
"Fənərbaxça"nın futbolçusu azadlığa buraxıldı
Harri Keyn sabah oynamayacaq
FİFA finala biletlərin qiymətini kəskin artırdı
Lukas Peresin yeni klubu məlum oldu
